Решавајте ги своите обврски чекор по чекор
Иако можеби никогаш нема да ви појде од рака со леснотија и на време да ги завршите сите свои секојдневни обврски и задачи, успешното завршување, дури и на една од тие работи, може да ви биде навистина голем поттик за понатаму. Според психолозите и малиот успех секогаш создава победничко чувство. Започнете со малите нешта и се разбира секогаш завршувајте ги. Тоа ќе ве мотивира да се зафатите со поголемите и посложени обврски. Во прилог следи листа на мали работи кои можат да се завршат за пет, петнаесет или триесет минути, без некој дополнителен напор. Доволно е да реализирате само една работа и веднаш задоволно да забележите како расположението расте.
1. Кога имате пет минути
– Договорите преглед кај својот доктор кој со месеци го одложувате
– Средете си ги ноктите
– Направите ред во потсетниците и сметките кои ги носите во чантата
– Направете нешто за своето тело, на пример една пилатес вежба: Легнете на грб, подигнете ги нозете под агол од 45 степени од подот, истовремено подигнете ја главата и вратот под истиот агол. Задржувајќи се така, испружете ги рацете до телото, со дланките свртени кон доле. Подигнете ги и спуштете ги рацете 100 пати (вдишете и издишете после секое петто кревање на рацете)
– Изедете јаболко
– Ставете дополнителна ролна тоалет хартија во бањата и заменете ги пешкирите со нови
– Убаво наместете го креветот, покријте го и наредете украсни перничиња
– Исполирајте ги своите омилени обувки со крема за детска кожа
– Избришете прашина од телевизорот или компјутерот, т.е од површините каде прашината најбрзо се собира
– Средете си ги веѓите
– Избришете го огледалото, насмејте се на својот одраз и гласно изговорете: „Догледање убавице!„
2. Кога имате петнаесет минути
– Исчистете ја работната маса во кујната и внимателно прередете ги зачините и другите продукти, или направете ред на местото каде што чувате весници
– Направете нешто за убавината: ставете си хранлива маска на лицето
– Испразнете ги сите корпи во домот и изнесете го сметот
– Исчистете ги мијалникот и кадата
– Испеглајте си ги своите омилени панталони и блуза
– Проверете кога треба да се платат сметките и останатите месечни трошоци и пресметајте колку тоа би чинело
– Погрижете се за телото: клекнете 15 пати или направите 10 склекови или 10 стомачни. После тоа пополека направете неколку вежби за истегнување и веднаш ќе се чувствувате подобро.
3.Кога имате триесет минути
– Јавете и се на пријателката која не сте ја слушнале со месеци и поради тоа веќе чувствувате грижа на совест
– Просурфајте на интересни туристички страници, добивајќи идеја за следното летување и навремено информирање за цените, условите.
– Испланирајте вечера со својот партнер или испланирајте да повикате гости. Размислете за менито, и тука може да ви помогне интернетот. Проверете кои продукти ви недостасуваат
– Прочитајте една глава на некоја добра книга која долго време планирате да ја читате
– Размислете кој од вашите блиски има овој месец роденден, купете честитки и размислете што на кого би можеле да купите
– Исклучете го својот мобилен телефон, не му се доближувајте на вашиот компјутер и медитирајте во мир и тишина добри половина час
– Напишете писмо (да, со рака) на стар пријател кој живее далеку од вас
– Дозволете си домашен педикир: направете купка за нозете, исечете си ги ноктите, отстранете ја тврдата кожа и убаво измасирајте си ги стопалата
– Направете ред помеѓу семејните фотографии во албумите или на вашиот компјутер. Заменете ги старите фотографии во рамките со нови.
