Особини на добар лидер
![Особини на добар лидер](https://roditeliideca.com.mk/wp-content/uploads/2012/12/rabotna-zena.jpg)
Универзален образец за тоа како се станува менаџер не постои. Но според Лондонската школа за односи со јавноста, секако постојат особини кои ќе ви помогнат да станете лидер и да останете на таа позиција подолго време.
1. Усовршувајте се
Постојано морате да учите и да се усовршувате. Нови знаења, откритија и нови луѓе треба да ви бидат предизвик.
2. Почитувајте ги другите
Треба да ги почитувате и разбирате луѓето од вашата околина, како и нивните посебности и различности.
3. Правилно проценувајте
Научете се да ги слушате луѓето околу себе. Извежбајте се да забележувате сè што наизглед е неважно. Тоа може да ви помогне да избегнете погрешни проценки.
4. Бидете сигурни во своите одлуки
Морате точно да знаете што сакате, а што не. Да бидете подготвени да носите одлуки и да сносите одговорност за одлуките кои сте ги донесле.
5. Верувајте во себе
Морате да имате доверба во своите способности, но и во способностите на другите и да бидете подготвени на компромиси. Тоа ќе ви помогне да уживате во тимската работа, која е основа на доброто лидерство.
6. Прифаќајте ги проблемите како предизвик
Добриот лидер мора да биде прибран и подготвен за акција во кризен период. Проблемите треба да ги сфаќате како прилика да научите нешто ново и да напредувате.
7. Добро организирајте се
Едноставно мора да бидете добро организирани. Неорганизираноста во секој миг може скапо да ве чини, а во работата може да биде фатална.
8. Верувајте им на соработниците
За да вашите соработници ви веруваат вам, потребно е вие да им верувате на нив. Помогнете им да се развиваат и да ги делат вашите убедувања и амбиции.
9. Не ги препишувајте сите заслуги само за себе
Немојте сите заслуги за успех во работата да си ги препишете само себеси. И вашите соработници имаат потреба од пофалба. Ако тоа го правите, ќе ги мотивирате да бидат уште подобри.
10. Бидете мистериозни
Сите лидери се по малку мистериознии. Треба да бидете пријатни и луѓето да уживаат во вашето друштво, но не треба со нив да ги делите своите тајни и приватни проблеми.