Започнува Детскиот саем во Скопје
На саемот најавени се настапи на дечиња од детски фестивали и детски хорови, работилници за деца во детското креативно катче, забава и смеа со аниматори и магионичари, гостување на театарски групи, детска модна ревији и други интересни активности за децата.
Интересен е фактот што за прв пат на овој саем се организира Улица на игрите, во кое најмладите посетители ќе можат да се забавуваат на добро познатите игри, како “плочка”, “не лути се човече”, „змија“ и многу други.
Дополнително, за време на саемските денови ќе бидат организирани и работилници со педијатар, нутриционист и дерматолог, на кои родителите ќе можат да добијат бесплатни совети и одговори на секакви двоумици и прашања поврзани со развојот на децата.
Посетителите на Скопје Сити Мол, за време на оваа манифестација ќе можат да го проследат и првиот Саем на детска книга, а воедно и да ги научат техниките за успешно владеење на шаховската табла, презентирани од шаховскиот клуб Гамбит.
Вториот City Детски Саем се одржува на 2 кат во Скопје Сити Мол.
