Создадено лековито вино?
За користа на црното вино за здравјето долго се зборува, но австралиски биохемичар верува дека создал капка толку богата со антиоксиданси, што би можела да лечи повеќе болести.
Научникот Грег Џардин од Бризбејн вели дека патентирал збир состојки создадени во текот на производството на вино кои според него делуваат противвоспалително и би можеле да се борат против низа состојби како артритис и хроничен замор.
Претходните истражувања веќе сугерираа дека внесување на помали количини црно вино може да помогне мажите подолго да живеат и може да штити од болести на срцето.
Џардин верува дека создал вкусен пијалок кој би можел да има впечатливи ефекти на подобрување на здравјето.
– Ние го донесовме антиоксидансот, кој постои во мали количини во виното, до ниво на кое може нешто и да се направи – вели Џардин и додава дека збогатувањето на виното со антиоксиданси го направило тој пијалок не толку вкусен за пиење, поради преголемата количина на танин, но откако антиоксидансите станале топливи во мастите и полесно се апсорбирале во телото и самото вино станало повкусно.
Неговото вино е создадено со нормална постапка на производство на вино, но преземени се чекори да се „зајакнат“ некои делови на постапката.
– Технологијата на модифицирање на полифенолите“ може да се користи и кај производството на друг вид пијалоци или храна – објаснува Џардин.
Фармакологот Линзи Браун која ги испитала состојките на Жардине на универзитетот Јужен Квинсленд, вели дека имаат позитивен ефект на здравјето на глувците заболени од артритис, но додава дека постојат потенцијални проблеми околу идејата за земање на виното во медицински цели.
Светската здравствена организација (СЗО) вели дека штетното конзумирање на алкохол резултира со 2,5 милиони смртни случаи секоја година и претставува трет најголем ризик за прерана смрт, инвалидитет и губење на здравјето во светот.
