Со боровинки и јаболки против дијабетес
Зголеменото внесување на боровинки, јаболки и крушки, поврзано е со помал ризик од дијаебетес, тврдат американските научници. Причина се флавоноидите, природните антиоксиданси кои се поврзуваат со намален ризик од мозочен удар, болести на срцето, рак…
Со новото истражување, од страна на американскиот Национален институт за здравје, опфатени биле 200.000 мажи и жени, заедно со нивните навики за секојдневна исхрана. Здравствените картони на учесниците се собрани од три големи американски континурани студии, а собраните податоци датираат и до 24 години наназад.
Две порции боровинки неделно го намалуваат ризикот од дијабетес тип 2 за 23%. Со анализата на обемните податоци потврдено е дека луѓето кои сакаат боровинки, попрецизно оние кои јадат повеќе од две порции од ова овошје неделно, имаат за 23% помалку шанси да заболат од дијабетес тип 2 во споредба со луѓето кои не го сакаат. Истото важи и за луѓето кои консумираат повеќе од пет јаболки неделно.
Секако при анализата методолошки биле исклучени влијанијаат на другите фактори за ризик за заболување од дијабетес, како што се дебелина, пушење и генетската предиспозиција.
Флавоноидите, кои се сметаат како најважни во процесот на заштита на организмот, се моќни природни антиоксиданси и антифламаторни агенси. Тие го намалуваат крвниот притисок и нивото на холестерол во крвта, ги заштитуваат т.е негуваат крвните садови. Токму поради тоа тие помагаат во превентивното делување на заштита од болести на срцето, мозочен удар и други болести.
