Не лечете се сами преку интернет
Многумина веруваат дека интернетот го олеснува патот во откривањето на болестите или симптомите, кога сме болни, не знаејќи ја другата страна на оваа т.н замка.
Според најновите истражувања, користењето на интернетот за дијагностицирање на болестите, всушност е многу лош начин да се дојде до потребниот медицински третман. Секако, добро обучен лекар ќе ви даде многу попрецизна дијагноза и соодветна терапија, отколку информациите пласирани на интернет.
Ваквиот начин на самостојно лекување, може да доведе до погрешна дијагноза, а тоа доведува до самопозитивност, кога веруваме дека не ни е ништо и не постојат никакви симптоми за лоша болест, или самонегативност, која е спротивна на претходното.
На пример, според NBC News, луѓето можат кај себе да ги интерпретираат симптомите кои некој ги има поради лошо варење на храната, како симптоми за срцев удар.
Двајца научници од Универзитетот за наука и технологија во Хонг Конг, направиле истражување во кое на своите студенти им дале информации за различни болести, кои биле чести меѓу популацијата и детали за еден специфичен случај на болест.
Потоа им било кажано да направат истражување на интернет за личност со одредени симптоми. Ако таа личност е странец, тие неговите симптоми, пребарувајќи на интернет ги поистоветувале со оние од популацијата, кои се најзастапени во популацијата и како такви ги има најмногу во статистиките на интернет.
Потоа кога биле запрашани што ако таа личност се тие, студентите ги поистоветувале симптомите со оние кај ризичниот случај. Тоа ги довело до заклучок дека колку една состојба е поретка, луѓето почесто се поистоветуваат и веруваат за себе дека се поизложени на одредена болест, за разлика од другите.
Воедно, претераното консултирање на интернетот за оваа цел може да доведе и до заблуда дека не сте болни.
Затоа најчесто, на пример, луѓето ги занемаруваат симптимите од сезонски грип, тврдејќи дека се само малку настинати поради промената во климата, иако можеби во моментот се болни.
Научниците предупредуваат дека најдобро е да се побара лекарски совет за било која состојба, и да се биде претпазлив кога се користи интернетот како советник, бидејќи лесно може да се падне во замката на интернетот каде често се наоѓаат и невистинити.
