6 еко причини зошто доењето е најдобар избор

1. Доењето штеди енергија

Мајчиното млеко се користи директно од изворот, поради што е на совршена температура за вашето бебе, односно не е потребно дополнително загревање. Покрај тоа придонесувате за заштеда на енергија, која би се искористила за масивно производство и дистрибуција на шишенца и адаптирано млеко, дури и за рециклирање на искористените шишенца. Мајчиното млеко исто така има свое соодветно складиште. Додека многу родители подготвуваат одеднаш неколку шишенца со адаптирано млеко и ги чуваат во фрижидер, мајчиното млеко нема потреба да се подготвува и складира на ладно.

2. Не е потребна пластика

Најмногу бебешки шишенца во себе содржат разни форми пластика, која се прави од разни видови нафттени деривати и е еден од најголемите загадувачи на околината. Не постојат конкретни докази за тоа колкава количина нафта се користи за изработка на пластиката, но според најголем број студии околу 8% од светското производство отпаѓаат за производство на шишиња од пластика. Освен тоа пластиката при распаѓање ослободува штетен и токсичен отпад како јаглерод диоксид, нитроген оксид и др., кои ги загадуваат воздухот, водата и почвата, да не спомнуваме и нашето здравје. Воедно, многу пластични шишиња не можат да се рециклираат правилно, односно во нови шишиња. Наместо тоа се рециклираат во други продукти, а тоа бара дополнителна енергија и трошоци.

3. Доењето е биоразградливо

Бебешките шишенца се специфичен продукт. Додека многу други предмети кои ги користите дома можете подоцна да ги пренамените за друга цел, овие шишенца имаат една единствена намена – да го нахраните бебето. Можете да купите пластични, стаклени дури и еко-пријателски шишенца, но на крајот сепак во раце имате предмет со ограничена употреба и времетраење. Да, некои шишенца можат да се рециклираат, но дури и тие не можат комплетно да бидат рециклирани (како на пр. цуцлите и други додатоци), а тоа не е поволно за нашата и онака пренатрупана околина.

4. Доењето го намалува отпадот

Шишенцата и адаптираното млеко повлекуваат многу трошоци за пакување и транспорт. Кутии, хартија, пластика и т.н., за чие производство и рециклирање се потребни многу енергија и трошоци, се користат за пакување на шишенцата, додатоците за нив и за адаптираното млеко. Додека мајчиното млеко нема отпадоци бидејќи не се потребни дополнителни материјали за негово пакување и транспорт. Освен ако не го рачунате вашиот нов модерен викторијас сикрет градник за доење. Но тие барем се трудат да бидат еко-пријатели.

5. Доењето ја намалува потрошувачката на бензин

Ако доите нема потреба навечер да трчате во продавница за да купите адаптирано млеко. Исто така доколку повеќе мајки дојат, се намалува побарувачката за шишенца и адаптирано млеко, а тоа значи помалку трошоци за бензин потребен за нивен транспорт. Освен тоа доењето ги намалува бројот на возења до ординацијата на педијатарот, бидејќи докажано е дека доените бебиња се поздрави.

6. Доењето ја намалува изложеноста на хемикалии

Во последниве години се покажа дека многу брендови бебешки шишенца во себе содржат опасни хемикалии како бисфенол-А (BPA) и фталати кои потоа преминуваат во бебешкото млеко, воздухот, почвата и водата. Можете да изберете стаклено наместо пластично шишенце, но и тие имаат проблем со рециклирањето. Исто така можете да се обидете да најдете нетоксични бебешки шишенца, кои пак се многу скапи. Ако сте загрижени за токсините во мајчиното млеко, научниците ви порачуваат да не се нервирате, бидејќи можноста да тие се појават и нивниот процент се незначителни. Најекономичниот, нетоксичен избор за вашето бебе и за заштита на планетата Земја сепак е мајчиното млеко, односно доењето.