Децата од мали учете ги работна етика, за да пораснат во одговорни личности
Истражувањето кое започна пред 75 години и сè уште трае, открива дека среќата и успехот во животот најмногу зависат од две работи – љубовта и работната етика.
Родителите понекогаш грешат и ги штитат своите деца од домашните работи, велејќи дека се мали и кога ќе пораснат ќе се грижат за нив. Сепак, науката покажува дека давањето обврски на децата уште од мали нозе е добро за развојот на личноста.
Искуството на 724 испитаници кои станале исклучително успешни покажало дека на нивниот развој најмногу влијаело воспитувањето во стилот – „засукај ги ракавите и фати се за работа“.
Уште додека биле во школска возраст, родителите им давале обврски на децата прво да си ги завршуваат домашните задачи, а потоа да им помагаат во средување на куќата, уредување на дворот, поправка на автомобилот и ..
Така децата уште од мали нозе сфатиле дека мораат да работат за да постигнат нешто. Врз основа на тоа, стручњаците заклучиле дека обврска на родителите е да ги насочат децата кон работата, колку и да мислат дека тоа ќе ги измачува или ќе им одземе време за игра. На тој начин спонтано се развиваат работните навики и се негува работната етика, поради што кога ќе пораснат децата нема да им биде тешко да се посветат на работата, а тоа ќе подоцна во животот ќе им донесе успех.
