Тамара заштитно лице на „Драма“

Млада жена со моќен глас, исклучително индивидуален моден стил, со јасна дефиниција на тоа што е сцена а што секојдневие, на македонската поп пејачка и‘ овозможија да стане заштитино лице на нова модна колекција.

Тамара Тодевска ќе ја претставува најновата колекција од македонскиот моден бренд „Драма“. Колекцијата е одзив на еден дизајнер, личен моден став и можеби најблиску до интимната Ивана Кнез. Ластици, памучно трико, жоржет се материјалите кои ја дефинираат текстурата на колекцијата.

Изработена е во елегантната црна боја, но ќе постои можност за избор на поинаква боја, дури и дизајн по нарачка. Наменета е за жени со вистинска самодоверба, дефиниран стил, со изразена сензуалност и концентрирани емоции, жени сигурни во својот животен пат без разлика на целта. Знаат како да сакаат и да бидат сакани и не се плашат.

Соработката ќе продолжи ова лето со вториот дел од колекцијата, костими за капење и летни додатоци.