Органски душек – дали да го купите за своето дете?
Кога купувате душек на кој треба да спијат вашите деца, сигурно сакате да бидете сигурни дека го купувате вистинскиот и најдобриот тип. Многу често денес се слуша за органски душеци. Колку и дали се добри за децата?
Една од главните причини поради која некои родители бираат органски душек за децата е што се поинакви од регуларните душеци, бидејќи пред сè не се изработени од материјли како полиетиленска пена, најлон или полиестер кој е базиран на петролеум. Сите тие емитираат штетни материи и други хемикалии кои не се безбедни за децата.
Органските душеци се изработени од природни материјали кои не емитираат штетни материи и поради тоа некои ги сметат дека се подобри за децата.
Што е важно при изборот на органски душек?
Кога ќе се решите да купите ваков душек, треба да знете што да гледате, т.е на што да обрнете внимание:
– Органски памук- се користи за изработка на обвивката на душекот и е многу подобар од материјалите кои стандардно се користат и најчесто се третирани со огноотпорни хемикалии.
– Душеци кои содржат нетретирана волна, бидејќи е природна. Таа е огноотпорна без да се третира со разни хемиклии и е добра заштита од грињи.
– Некои органски душеци содржат природен латекс кој се добива од каучуково дрво.
Придобивки:
– Алергиите се намалуваат – многумина знаат дека синтетичките душеци можат да предизвикаат алергии, кои се проблематични за малите деца, а и за возрасните.
– Оргаските душеци се безбедни дури и за најмалите деца, бидејќи не се третираат со никакви хемикалии воопшто.
– Влажноста во душекот е многу ниска, поради што детето кога спие на него се чувствува попријатно и свежо во тек на ноќта што е многу важно за здрав сон.
Недостатоци:
– Овие душеци се многу скапи, поради што не може секој да си ги дозволи, особено за деца, кои брзо растат.
– Некои луѓе забележале дека органскиот душек има слаткаст, дури леплив мирис кој не може секое дете да го поднесе.
– Бидејќи памукот и волната се природни, лесно се компресираат од тежина и со тек на време од употребата, се појавуваат вдлабнатини и нерамнини. Поради тоа душекот станува неудобен.
– Памукот и природниот латекс се лесно запалливи, што мора да се земе во предвид кога станува збор за безбедноста на децата.
– Некои душеци кои се рекламираат како органски, сепак не се целосно направени од органски материјали.
Заклучок:
Ако немате против да потрошите многу пари за душек за вашето дете и сте свесни за сите недостатоци, кога го купувте, тоа може да биде добар избор. Како и да е размислете добро за сите придобивки и недостатоци кога бирате душек и свесно направете го изборот.
