Малку ќотек е добредојден?
Оваа незгодна навика некои родители ја практиткуваат, а некои се измачуваат со прашањето, дали е во ред да ја користат, секој пат кога нивните најмали ќе станат непослушни. Понекогаш децата се однесуваат така што ги тестираат границите на толеранција на своите родители. Некои родители сметаат дека во тие моменти треба детето да добие „малку по газето“, некои сметаат дека тоа е крајна мерка, додека одредени се стриктно против, односно дека не треба никако да се прави.
Еве што велат стручните лица:
– Ќотекот не прави ништо добро, кога е во прашање градењето на самодисциплината на вашето дете. Кога тоа ќе добие ќотек, се концентрира само на него, а не и на причината која го предизвикала. По плексањето, детето сигурно нема да размислува „Навистина бев лош, го заслужив тоа“ или „Следниот пат ќе се потрудам да бидам подобар и да не го правам тоа“. Напротив, наместо тоа детето секогаш ќе размислува дека тоа не е фер и дека родителите не го разбираат и го мразат.
Тепањето, макар и мало плескање по газето, се толкува како казна за лоша постапка. Тоа влијае кај детето да се јави чувство на вина, кое може да биде мотив за промена во неговото однесување. Родителите кои често го користат тепањето како дисциплинска мерка, со тек на време стануваат зависни од оваа метода на казнување, па може да се случи тие апсолутно сите проблеми со детето да ги решаваат на овој начин.
Ќотекот, макар и мало плескање по газето, не е делотворен метод. Со удирањето вие моментално го запирате детето во недозволени постапки, а тоа се откажува од својата намера од страв или болка. Повеќе деца ќе ја повторат грешката, некогаш една те иста во текот на ист ден, но ќотекот не е решение.
Тие се основна пречка во релацијата дете – родител! Децата во своите родители гледаат заштитници, водичи низ животот. Затоа ако родителите ја применуваат оваа метода на казнување, со тоа го нарушуваат својот однос со детето, кој со тек на време ќе се смени и може да се случи потполно да се оддалечите.
Затоа драги родители, водете сметка за начините на казнување на своето дете, за да не доведете до контраефект, бидејќи вие сте му на вашето дете сè што има, мама и тато, кои го заштитуваат од сè во животот. Воспитувањето е цела наука, но обидете се макар еден мал дел од таа наука да го испочитувате, така што ќе бидете длабоко посветени на своето дете.
