Како да се ослободите од масните наслаги

Група вработени мајки и блогерки решија да стават крај на митот за брзо враќање во форма по породувањето, кој вештачки им е наметнат на жените. Според нејзе хормоните имаат големо влијание во начинот на кој масните наслаги се таложат и во кои подрачја. Еве како можете да одредите каде и како правилно да ги нападнете тие критични зони.

Опуштен задник

Поголем задник и широки колкови имаат повеќето жени поради вишокот естрогени. Висината на тој хормон природно е поголема кај жените, за разлика од мажите и тоа ја објаснува заоблената женска фигура.

Како да го поправите тоа

Исхрана: исфрлете ги рафинираниот шеќер, слатките, белиот леб и вообичаениот појадок богат со житарки. Во исхраната воведете брокула, зелка и карфиол. Тие содржат фитохемикалија која ја подобрува преработката на естроген во црниот дроб. Пред ваквата диета проверете ја штитната жлезда, бидејќи овој зеленчук може да предизивика симптоми слични на оние кога таа не работи добро. Јадете храна богата со влакна за да го подобрите метаболизмот.

Додатоци во исхраната:во исхраната додајте го калциумот кој на телото ќе му го даде молекулот кој го деактивира естрогенот.

Вежби: Наместо долготрајни исцрпувачки кардио вежби, работете вежби за цврсти мускули и зголемување на нивото на тестостерон.

Дебели глуждови

Ова може да значи недостиг на хормоните за раст, кои се важни за телото добро да ги избалансира мекото ткиво и маснотиите. Кортизолот го спречува излачувањето на хормоните за раст, затоа вашите дебели глуждови се можеби последица на долг стресен период.

Како да го поправите тоа

Исхрана: внесувајте протеини и природни масти. Избегнувајте бисквити, општо сите десерти и готови јадења.

Додатоци во исхраната: за да се произведува хормонот за раст, потребен ви е сон. Исто така можете да пробате со земање магнезиум или билни чаеви.

Вежби: добро спијте и обидете се со вежби со тегови.

Опуштени надлактици

Опуштените мускули на надлактиците се многу чести кај жените, и можат да значат недостиг на машкиот хормон тестостерон. Впрочем и жените и мажите имаат потреба од тој хормон, бидејќи има важна улога за витко тело. Често недостигот на овој хормон значи и високо ниво на кортизол, предизвикано од стрес.

Како да го поправите тоа

Исхрана: мастите се основа за производство на многу хормони, особено тестостеронот, затоа јадете јаткасти плодови, јајца и путер, но не и трансмаснотии кои можат да се најдат во колачите или бисквитите. Земајте доволно протеини за изградба на мусклулите, избегнувајте соја, за која се докажа дека влијае на машките и женските полови органи, како и на штитната жлезда.

Додатоци во исхраната: магнезиумово масло во спреј, кое може да се најде во некои дуќани за здрава храна, помага за добро спиење и го намалува стресот.

Вежби: тренирајте со тегови што ќе го поттикне производството на тестостерон. Скелковите и другите слични движења помагаат во растот на мускулите на рацете.

Широки колкови

Тие можат да се последица на преголемо производство на инсулин кој го стимулираат рафинираните јаглехидрати и шеќери. Исто така може да се последица и на преголемо конзумирање алкохол, кој уште влијае на шеќерот во крвта и нивото на хормоните.

Како да го поправите тоа

Диета: ова подрачје е релативно лесно да се намали со диета, бидејќи нивото на инсулин лесно може да се регулира со правилна исхрна. Јадете многу риба и зелечук.

Додатоци во исхраната: метаболизмот обидете се да го стимулирате со зелен чај.

Вежби: тренинг со тегови може да помогне во вашето тело полесно да се регулира инсулинот.

Масни наслаги на струкот

Виновник за овие масни наслаги е високото ниво на стрес хормоните, примарно кортизолот. Тој го зголемува нивото на шеќер во крвта, што докажано го зголемува насобирањето на сало во реонот на струкот и стомакот. Луѓето кои се склони на вакво дебелеење видно се под стрес, напнати или изгледаат преморено. Важно е да се знае дека премногу вежби се исто така лоши како и премалку. Околу 40 и повеќе минути кардио вежби, како трчање, аеробик, го поттикнува создавањето на кортизол.

Како да го поправите тоа

Исхрана: целосно исфрлете го или намалете го внесувањето на шеќери и алкохол, со најмногу два филџани кафе или чај дневно. Јадете здрави масти како оние од риба или авокадо. Секако настојувајте да јадете грав, леќа и интегрални житарки.

Додатоци во исхраната: омега 3, витамин Д, за да се одржи виткоста на телото, со Б комплекс за борба со стресот.

Вежби: Не повеќе од 40 минути вежби со тегови. Јадете по вежбање.

Опуштени рамена и грб

Вишокот сало на рамената и грбот често е резултат на неможноста на телото да ги разгради шеќерите во исхраната со тестенини и житарки кои се богати со скроб и јаглехидрати. Инсулинот е хормон заслужен за складирање на храната откако ја консумираме. Ако храната богата со скроб и шеќери лесно го совладува вашиот инсулински состав, веројатно тоа го имате наследено од вашите далечни предци. Исхраната на древните ловци – собирачи, била базирана на месо и сезонско овошје и зеленчук, во комбинација со силни телесни напори. Тоа значи дека нивниот инсулински состав не можел да ја преработи количината на шеќери и скроб, како што мора денешниот човек.

Како да го поправите тоа

Исхрана: Значително намалете ги скробот и јаглехидратите какви ги има во доматите и житарките. Ако пак сакате да јадете јаглехидрати, се препорачува комплексна храна како кафеав ориз, зоб, коренест зеленчук и просо.

Додатоци во исхраната: омега 3 масти од рибино масло, помагаат телото да ги обработи шеќерите и во губењето на масните наслаги воопшто. Витаминот Б помага при подобро производство на телесна енергија. Ако сакате чоколадо, земете минерални додатоци кои содржат хром и магнезиум.

Вежби: било каков облик вежби помагаат инсулинот да ги разгради шеќерите и скробот. За подобар ефект, вежбајте пред јадење и земајте протеински шејкови со мал процент јаглехидрати, по што ќе треба да јадете храна богата со протеини.