Модерни и удобни столови
Ако мислевте дека ништо не може да ве изненади кога е во прашање дизајнот на столовите, младите и креативни дизајнери отидоа чекор понапред и изненадија со својата фантазија.
Според новите модели на столови, може да се каже дека најважно е да се функционални, удобни и необични.
Светот неодамна со свои креации го изненадија дизајнерите Хе Му и Занг Киан од Шангај. Нивниот стол носи име „сончоглед„ и е вистинскиот претставник на новите трендови во светот на мебелот.
Столот плени со својот атрактивен изглед- удобно жолто перниче за седење врамено со венец кој впрочем е полица за книги. Ваквиот стој истовремено е украс, место за седење, а и место каде можете да ги складирате книгите или други ситници.
Но, овој стол не е единствениот кој ќе ви го привлече вниманието. Многу интересен е на пример столот со тркала од дизајнерот Адам МОлнар, како и малку ретро столот со ликот од Мерилин Монро, чиј дизајнер е Кристин Делвекио.
