Уроинфекции во бременоста

Уринарните инфекции настануваат кога уринарниот систем е нападнат од одредена бактерија. Кај здрав организам урината е стерилна – во неа нема присуство на бактерии за разлика од други органски системи. Во текот на бременоста појавата на уроинфекција е олеснето од следните причини:

1. ги релаксира мускулите во ѕидот на уретрите (спојот помеѓу бешиката и бубрезите)

2. го зголемува волуменот на бешиката

3. го смалува тонусот на уретрата (релаксира)

Сето тоа го успорува протокот на урината од бубрезите до бешиката и преку уретрата кон надвор, што им дава можност на бактериите да се размножат пред да бидат исфрлени со мокрачата. Најчесто место на уроинфекции е бешиката.

Кои се најчестите симптоми при појавата на уриноинфекција, како да ги препознаете?

– болки и печење при мокрење

– болки во карлицата, долен дел од стомакот, долен дел од грбот или странично, најчесто еднострано

– чувство за неможност до крај да се испразни бешиката при мокрење

– чувство на топло- ладно наизменично

– гадење и повраќање

– честа потреба за мокрење

– потешкотии во контрола на мокрењето

– мокрача со лош мирис, заматена или крвава

– болки при однос

– покачена телесна температура со констатни болки во пределот на бубрезите

Како да се превенира појавата на уриноинфекција во бременост?

– навремен скрининг што значи уринокултура меѓу 12 и 16 недела од бременост

– по одење во тоалет, бришењето секогаш да биде во правец од напред кон назад, не обратно. На тој начин се избегнува пренос на бактерии од дебелото црево кон уринарниот тракт.

– да не се користат јаки сапуни, када, антисептични креми, парфимирани хигиенски производи кои можат да доведат до иритација на уретрата и сензитивниот уринарен тракт

– комплетно празнење на бешиката при одење во тоалет

– после секој однос тоалета со вода

– редовно празнење на цревата со правилна исхрана

– користење памучен долен веш (секојдневно менување) и избегнување тесна облека

– консумирање многу течности, најдобро вода

Урино инфекциите се јавуваат во три форми:

1. Асимптоматска бактериурија (присуство на бактерија во мокрачата, но без симптоми) 30% од нив ако не се лечат прогредираат во втора група и 50 % во трета група

2. Циститис (воспаление на бешиката)

3. Pyelonephritis (воспаление на бубрезите)

За среќа, со правовремен скрининг (уринокултура 12 – 16 г.н.) препознавање на симптомите и лечење на првите две групи состојби, може да се спречи појава на состојба на третата група, што сепак може да биде многу сериозно како по здравјето на мајката така и по плодот.

Која е најголемата опасност по плодот?

1. Предтерминско породување (пред 37 г.н)

2. Раѓање плод кој е помал за својата гестациска старост (интраутерин застој во растот)

3. Амнионитис – пренесување на инфекцијата на плодовата вода и при интактни (непрснати) плодови обвивки

4. Сепса и пневмонија кај новоредното, особено ако е причинителот ГБС (група Б стрептококи)

Кои се најчестите предизвикувачи на уроинфекции во бременост?

1.Eшерихија коло – 80 – 90 %

2. Протеус мирабилис

3. Klebsiella pneumonie

4. ГБС

5. Staphilococus saprophiticus (поретко)

6. Gardnerella vaginalis

7. Ureaplazma urealiticum

Како се спроведува лечењето на уроинфекција во бременост?

При почетокот на првите симптоми, веднаш се започнува со антибиотска терапија со широк спектар – цефалоспоринска. Претходно се дава примерок урина, по можност утринска мокрача, по направена тоалета, среден млаз. По стигање на резултатот од микробиолошката анализа, ако има потреба се прави промена на изборот на антибиотикот. Лечењето на состојбите од првите две групи може да биде со орално земање антибиотик, но состојбата од третата група без исклучок оди со венска терапија. Многу е важно консумирање на големи количини течности, со цел разредување на бројот на бактерии во мл. мокрача, зголемена ефикасност на антибиотикот и што побрзо излекување. Само така може да се превентираат сите можни компликации до кои може да доведе уроинфекцијата во бременост, како за мајката така и за плодот.