Рефлекси кај новороденчето
Примитивните рефлекси кај новороденчињата се одраз на недоволно созреаната функција на мозокот, па во текот на првите месеци исчезнуваат и се заменуваат со оние вистинските рефлекси.
Рефлекс на цицање – е првиот кој се јавува кај фетус од 10 неделии исчезнува кај здраво новореденче по четвриот месец. Бебето го цица секој предмет кој ќе му се стави во устата.
Рефлексот на „барање“ со устата – се предизвикува со лесен допир на образите или крајот на усните. Новороденчето реагира со вртење на главата и се обидува со устата да го фати она кое ја предизвикува дразбата.
Рефлексoт на фаќање – или Дарвиновиот рефлекс и се манифестира со тоа што кога на детето му ја допирате дланката со некој предмет, тоа се фаќа за тој предмет толку цврсто што држејќи се за него може да виси. Овој рефлекс се губи околу 40тата недела и има врска со развојот на структурите во мозокот кои подоцна ќе доведат до развој на движењето на рацете и прецизно фаќање.
Мооровиот рефлекс – се јавува по раѓањето и исчезнува околу седмиот месец. Се манифестира со тоа кога детето ќе го поставиме да лежи на грб и над него плеснеме со дланките, тоа прави движења со рацете и нозете, како да сака да ја прегрне личноста пред себе.
Рефлексот на одење – се манифестира со тоа кога детето го држиме над некоја подлога, така што со прстите да ја допира земјата, тоа прави движења како да вози велосипед. Овој рефлекс исчезнува по неколку недели и нема никаква врска со проодувањето.
Рефлексот на Бабински – се забележува кога на детето му го надразнуваме стапалото, тоа прави лепезести движења со прстите. Кај возрасните, се забележува спротивен процес, односно тие реагираат со собирање на прстите. Овој рефлекс почнува да се губи околу шестиот месец и конечно исчезнува некаде во втората година. Ако кај бебето се манифестира овој рефлекс и подоцна тоа е знак за некои невролошки пореметувања.
Уште еден феномен карактеристичен за новороденчињата е условувањето. Некои експерименти покажуваат присуство на класично условување кај новороденчињата. Во нив како безусловна дразба користено е шише со млеко. За нејзе бебето безусловно одговора со движења како да цица. Ако истовремено со појавата на шишето му се даде на детето некој звук, тоа подоцна ќе почне да реагира со движења како да цица и при слушање само на звукот, што е условен рефлекс. Во некои експерименти во кои е користено црвено шише како безусловна надразба, доаѓало и до генерализација, па бебињата почнувале да реагираат со условен рефлекс на цицање при појава на сите црвени предмети.
