Кои промени на ноктите се безопасни, а за кои треба да консултирате лекар

Внимателно погледнете ги ноктите. Дали изгледаат силни и здрави, или имаат нерамнини, вдлабнатини или области со необична боја и форма? Многу од овие состојби можат да се избегнат преку соодветна нега на ноктите. Но, некои промени може да укажуваат на состојба на која треба да обрнете внимание.

Што е нормално, а што не?

Здравите нокти се мазни, без нерамнини или вдлабнатини. Тие се еднакви по боја и конзистентност и без дамки или промена на бојата. Понекогаш ноктите на рацете развиваат безопасни вертикални гребени кои се протегаат од кутикулата до врвот на ноктот. Вертикалните гребени имаат тенденција да станат поизразени со возраста. Ноктите на прстите исто така може да развијат бели линии или дамки поради повреда, но тие на крајот растат со ноктот и ги снемува.

Сепак, консултирајте се со вашиот лекар или дерматолог ако забележите:

-Промени во бојата на ноктите, или темна лента под ноктот
-Промени во обликот на ноктите, како што се завиткани нокти
-Истенчување или задебелување на ноктите
-Одвојување на ноктот од околната кожа
-Крварење околу ноктите
-Оток или болка околу ноктите

За вашите нокти да изгледаат најдобро:

Чувајте ги ноктите суви и чисти. Ова ги спречува бактериите да растат под вашите нокти. Практикувајте добра хигиена на ноктите. Користете остри ножици за маникир или машинка. Исечете ги ноктите право, а потоа заоблете ги врвовите во нежна кривина. Користете хидратантен крем. Кога користите лосион за раце, втријте го лосионот во вашите нокти и кутикулите. Нанесувањето на зацврстувач на ноктите може да помогне во зајакнувањето на ноктите.

За да спречите оштетување на ноктите:

Не ги грицкајте ноктите и не ги чепкајте кутикулите. Овие навики можат да ја оштетат базата на ноктите. Дури и мало сечење покрај ноктот може да дозволи бактерии или габи да навлезат и да предизвикаат инфекција. Не користете груби производи за нега на нокти. Ограничете ја употребата на отстранувач на лак за нокти. Кога користите средство за отстранување лак, изберете некое без ацетон.
Не ги игнорирајте проблемите. Ако имате проблем со ноктите кој се чини дека не исчезнува сам по себе или е поврзан со други знаци и симптоми, консултирајте се со вашиот лекар или дерматолог.