Овие состојки во храната задолжително избегнувајте ги
Обичните производи со помош на многу вештачки додатоци стануваат попривлечни во изглед и вкус. Но, претераното конзумирање такви производи може да му наштети на вашето здравје, затоа читањето и на најситните букви на декларацијата е важно, бидејќи само така можете да откриете што навистина јадете.
1. Засладувачи – голем број „здрави“ продукти кои се декларираат како без шеќер, во себе содржат состојка за засладување, аспартам, препознатлив по ознаката Е951, а го има и во гумите за џвакање, бомбоните, разните диетални пијалаци, па и чоколадото. Предизвикува вртоглавици, грчеви во стомак и замор, кои се резултат на претерано конзумирање прозводи со оваа состојка.
2. Засилувачи на вкус – грицките, зачините, супите од кесичка, содржат засилувач на вкус, мононатриумов глутаминат, кој се крие под ознаката Е621. Оваа состојка се користи за истакнување на вкусот во јадењата, а е многу штетен, бидејќи може да влоши бројни сериозни состојби и да предизвика дебелина.
3. Бои – природните бои со тек на време речиси целосно се заменети со вештачките кои се означени на производите со ознаки од Е100 до Е181. Ги има во слатките, бисквитите, а најмногу во енергетските пијалаци со примамливи неонски бои. Предизивикуваат проблеми со кожата, причинители се на бројни алергии, затоа децата посебно треба да ги избегнуваат.
4. Конзерванси – состојки кои првенствено служат за да се продолжи рокот на траење, а ги има во секојдневните продукти како млеко, сувомесни производи, под ознаката Е285 и Е1105. Токму тие се причината поради која со тек на време децата развиваат хиперактивност, кожни алергии и сл. Затоа секогаш изберете свежи продукти и сами гответе оброци.
5. Емулгатори – состојките кои ја подобруваат текстурата на производите и ги поврзуваат сите состојки кои природно не е можно да се поврзат, ги има во многубројни готови слатки, сосови, паштети, замрзнати јадења. Тешко е да се избегнат, но затоа конзумирањето на овие производи треба да се сведе на минимум.
6. Вештачки антиоксиданси – под ознаките од Е300 до Е340, ќе ги забележите вештачките антиоксиданси. Иако се истакнуваат како корисни состојки, тие немаат врска со природните антиоксиданси кои се благотворни за организмот. Природните антиоксиданси најмногу ги има во свежо овошје и зеленчук.
7. Згуснувачи – се користат со цел да се создаде вештачка густина, а ги има во готовите супи, намази, кремови под ознаките Е1404 (модифициран скроб), Е412 (гуар-гума), Е415 (ксантан- гума). Ако се конзумираат во големи количини, предизвикуваат намалување на железото во крвта и алергиски реакции.
