Како да знам дека породувањето започнува?

Почетокот на породувањето е означен со појава на вистински контракции (породување) и/или прскањена водењакот  и исцедување на плодовата вода.

Повеќето жени се прашуваат дали меѓу многуте показатели за приближување на породувањето (болки во грбот, лажни контракции, притисок од бебето) ќе можат да ги препознаат оние вистински контракции кои водат до породување. Сосема е сигурно дека ќе ги препознаете. Стануваат се посилни и почести, потешко ги издржувате  без разлика дали лежите, одите, седите. Тоа значи дека е време да се пријавите во болницата за породување.

Ако живеете во место каде што ви треба повеќе време за да стигнете до родилиштето, тргнете порано, за да не се породите во автомобил! Контракциите може да бидат придружени со слабо крварење помешано со мукозен секрет, што најчесто е знак за проширување и скратување на грлото на матката.

Се плашите дека водењакот ќе пукне на јавно место и ќе се посрамотите?

Кај повеќето жени, на прскањето на водењакот му претходат контракции, па увертирата со прскање ќе биде силна контракција на болка во пределот на стомакот и долниот дел на грбот, која нема да ве изненади, ниту пак ќе излезете во јавност во тој момент.

Тоа е релативно ретка ситуација во која водењакот прво пука, но доколку ви се случи вакво нешто на јавно место, не грижете се, сигурно во тој момент нема да размислувате за другите – ќе бидете преокупирани со мислата дека вашиот бебето конечно доаѓа!

Два часа по прскањето на водењакот, спонтано ќе настанат контракции.  Не треба да поминат повеќе од шест часа од моментот на прскање на водењакот до заминувањето во породилиште.

Што е слузав чеп?

Испаѓањето на  слузавиот чеп е еден од понепосредните знаци дека породувањето е многу блиску. Кога грлото на матката ќе почне да се шири и скратува, можно е да забележите мукозен исцедок, кој може да биде малку крвав, а изгледа како пообилен секрет. Доколку забележите дека излегува свежа крв, веднаш обратете се кај гинеколог. Не паничете. Вашето тело е создадено да го поднесе породувањето.

Еве неколку совети:

Ако е ноќ, а контракциите не се силни, обидете се да спиете. Зголемените контракции дефинитивно ќе ве разбудат и ќе имате време да одите во породилиште. Спијте мирно и верувајте дека никој досега не се породил во списење!

Во текот на денот можете слободно да пешачите, бидејќи во случај да започне породувањето, прошетката ќе ги интензивира и ќе ги продолжи контракциите.

Слободно истуширајте се. Ова ќе ви помогне да се опуштите.

Не јадете! Во случај породувањето да заврши со царски рез, полн стомак може да биде проблем поради можноста за повраќање и аспирација на желудечна содржина. Слободно можете да пиете вода.

Кога е време да се оди во родилиште?

Во родилиште упатете се кога:

– ќе забележите излив на вода, без разлика дали е придружено со појава на контракции или не;

– кога контракциите се редовни, се јавуваат на секои 10 минути или помалку и траат минимум 30 секунди;

– кога неколку контракции се толку силни што не можете да одите или да зборувате додека трае контракцијата.

Секако, секоја ситуација која отстапува од нормалниот почеток на породувањето (крварење со кој било интензитет, ако не го чувствувате вашето бебе во последните неколку часа, ако чувствувате несвестица, тинитус, гледате двојни слики, имате болки во горниот дел на стомакот) бара ВЕДНАШ да се јавите во родилиште.