Дебелината кај децата може да се предвиди најрано од 6 месечна возраст
Дебелината кај доенчињата во првите 6 месеци од животот може да го предвиди ризикот од дебелина и нејзините компликации кои би настанале подоцна, кога детето ќе има 5-10 години.
Ризикот од дебелеење на 5-годишна возраст се зголемува за 2 пати, а на 10-годишна возраст за 75 проценти ако бебето во првите две години од животот се здебелило за 20 проценти. Најголем ризик за дебелеење се зголемува ако бебето почне брзо да накачува тежина во првите шест месеци.
Ова било откриено во студија на Медицинскиот факултет Харвард, спроведена од д-р Елси Таверас, а била изведена над 44.622 деца на возраст помала од 11 години.
-„Нашите наоди се во спротивност со претпоставката дека зголемувањето на телесната тежина кај доенчињата е нормална работа“- пишува д-р Таверас во публикацијата во списанието Archives of Pediatrics and Adolescent Medicine.
Д-р Таверас додава дека децата кои се дебели ќе се соочат со различни ризици од здравствени компликации кога ќе пораснат. Различни студии покажуваат дека дебелината е фактор на ризик за хронични болести како што се дијабетес тип 2, висок крвен притисок или хипертензија, до срцеви проблеми.
За да се спречи ова, д-р Таверас предлага во првите 6 месеци на детето да му се дава само мајчино млеко. Подоцна, децата не треба да консумираат премногу слатка храна или да пијат слатки пијалаци, но треба да се поттикнуваат да се движат, наместо да трошат време за играње видео игри.
