Пет најдобри сосови за тестенини
Тестенините се омилен оброк за ручек или лесна вечера, а највкусни се ако се приготвени со соодветен сос. Еве пет идеи за вкусни сосови.
1. Карбонара сос – главни состојки се јајца и сланина. Карбонарата нема класичен кремаст изглед, но ако изматите едно свежо јајце и додадете кашкавал, при топењето сè ќе се поврзе. Можете да испробате комбинација со шпаргли, маскарпоне и горгонзола.
2. Болоњезе сос – се подготвува од мелено месо и домати, па спаѓа меѓу класичните италијански рецепти. Уште е познат како рагу.
3. Маринара – е сос со лигњи кој можете да го направите во комбинација со други морски плодови. Во овој сос можете да додадете пасирани домати, вино и лук.
4. Вонголи – или сос со школки, а готвачите препорачуваат во нив да искомбинирате цели чери домати, лук, маслинки и малку пасирани инчуни.
5. Мини ќофтиња – тајната на вкусни шпагети со месни топчиња е во изработка на месниот дел – лебот пред мешање со месото потопете го во топло млеко, што ќе им даде сочност, а потоа месните топчиња подгответе ги во класичен сос од домати.
