Баклава со мак

Состојки:
– 500 г тенки кори за баклава, 250 г мелен мак, 250 мл масло, 250 г кисело млеко, 2 ванили, 1 пециво, 2 јајца,
600 г шеќер
За шербетот:
– 900 г шеќер, 750 мл вода

Приготвување:
Прво ставете го шербетот да се вари во еден сад. Доволно е да врие 7 минути, потоа тргнете го садот на страна, да се лади шербетот. Во еден сад изматете ги јајцата, додајте ги останатите состојки, измешајте и почнете да ја редите баклавата. Редете ја во правоаголнесто високо плехче, широко колку пола кора, подмачкано со малку масло. Секоја кора здиплете ја на пола и ставете ја во тавчето, па на секоја втора кора ставете од филот. Ако редите во поширока тава, потребни ќе ви се повеќе кори за да биде баклавата висока. Кога ќе завршите со редење исечете ја баклавата и ставете ја да се пече. Готовата баклава топла, прелејте ја со шербетот. Оставете ја да отстои преку ноќ за да се впие убаво шербетот.