5 растенија кои ќе ви помогнат да го освежите домот
Користењето на клима-уредот во лето може да ве чини цело богатство. Но, тука се домашните растенија да ни помогнат. Кога растенијата се “потат” тие всушност се ладат себеси, но и воздухот околу себе. Овој процес е наречен транспирација. Преку корењата, растенијата ја земаат потребната количина вода, а дел од неа ја испуштаат преку порите на листовите. Со испарувањето на оваа вода, растенијата го разладуваат околниот воздух.
- Sanseveria (свекрвин јазик)
Поради својата висока содржина на вода, ослободува ладна влага во воздухот како и одредена количина кислород, со што добиваме посвеж воздух во текот на летото. Овој прекрасен сукулент е познат и по тоа што успешно ги отстранува токсините од воздухот, како што се бензенот и формалдехидот.
- Фикус
Колку се поголеми и позелени листовите на растението, толку повеќе влага испушта во воздухот. Сите видови на фикусот ја имаат оваа можност, и затоа се одлични растенија за разладување на домот.
- Бенџамин
Ова е едно од ретките дрва кое добро опстојува во затворен простор. За посвеж воздх, одлучете се за дрво со високо стебло и разгранета крошна. Чувајте го бенџаминот на добро осветлено место за да може да впие доволно сончева светлина.
- Aglaonema
Ова е уште едно растение кое е добро познато по својата способност да ги прочистува токсините од воздухот. Има голем степен на транспирација со што успешно го навлажнува околниот воздух. Најдобро е ваквите растенија да ги групирате на одреден простор, за да можат да создадат свој екосистем и да ја подобрат влажноста на воздухот.
- Палма
Зелените листови на палмите и папратите имаат мали пори преку кои внесуваат CO2 во растението, а ослободуваат кислород. Палмите во домот се раскошни и прекрасни за гледање, но исто така создаваат ефект на дождовна шума во затворен простор. Тоа е совршен начин да додадете тропско чувство на свежина во домот во текот на летните месеци.
