Пред да ги допрете бебињата, задолжително измијте ги рацете
Еден татко на социјалните мрежи ја раскажа приказната за својата ќеркичка со цел да ги предупреди другите родители што може да се случи од мало невнимание.
Неговото бебе било примено во болница со полесна форм ана вирусен менингитис, од која за неколку дена закрепнало, но, сега се бори со РСВ, респираторен синцицијален вирус.
Кај возрасните и постарите деца, овој вирус предизвикува симптоми слични на обичната настинка, но проблемот настанува кога ќе ја добијат предвремено родените бебиња, како и кај деца кои имаат проблеми со белите дробови и срцето. Тогаш може да се развие тешка форма на болеста, бидејќи нивните бели дробови сè уште не се целосно развиени.
Овој татко објасни дека морале да ја префрлат неговата ќерка во детската болница и дека била клинички мртва кога докторите дошле да ја земат. Морале да ја оживеат и веднаш ја приклучиле на апарати за дишење. Дијагностициран и` е РСВ, тешка форма на пневмонија, грип и бронхитис.
РСВ лесно се пренесува преку физички контакт како бакнување и допирање, како и преку контакт со контаминирани играчки, цуцли, шишиња…
„РСВ не е шега! Не знаев многу за него додека за малку не ја изгубив ќерка ми. Ве молам секогаш мијте ги рацете пред контакт со мали деца. И бидете сигурни дека тие се доволно облочени пред да ги изнесете надвор на ладно време“, напиша таткото.
