Внимавајте: некоја храна никогаш не смеете да ја ставите во микробранова печка
Можеби мислите дека било што можете да ставите во микробрановата, да ја затворите и да само да ја вклучите. Но се лажете. Постојат цела низа садови, храна и други предмети кои никогаш, ама баш никогаш не смеат да се користат во неа.
Садови од јогурт, пластични садови за складирање храна, овошје, алуминиумска фолија, се само некои од нештата кои никогаш не смеете да ги ставате во микробрановата. И додека некои се штетни за здравјето, други лесно можат да предизвикат нејзино расипување дури и пожар.
1. Пластичните садови за еднократна употреба, како оние од јогурт, путер или кисела павлака не смеат да се користат во микробранова. Тие се наменети за еднократна употреба и не поднесуваат висока температура. Овој тип на пластични садови во микробранова се деформираат и топат, при што испуштаат опасни хемикалии во храната.
2. Готвењето тврдо варени јајца во микробранова е голема грешка. Ако сакате да ги приготвите, само ќе добиете голем неред за чистење. Брзото загреавање јајца во микробранова создава голема количина водена пареа, која на крај резултира со пукање на јајцата.
3. Ако случајно добивте супер идеја да ги подгреете остатоците од храна во амбалажа од стиропор, немојте! Тој е вид пластика, а микробрановата е вистински непријател на пластиката, освен ако пишува поинаку на амбалажата. Истото важи и за пластичните садови за складирање храна.
4. Избегнувајте чинии со метален раб. Имено металот реагира на високата температура и ја оштетува микробрановата. Ова правило важи и за алуминиумската фолија која може и да се запали.
5. Загревањето лути пиперчиња во микробранова нема да ги направи штетни или да им напрви нешто друго лошо, но при загреавање тие ќе испуштат хемиски соединенија кои штом ќе ја отворите вратата од микробрановата, многу ќе ги надразанат вашите очи и грло.
6. Исто така не е препорачливо да вклучувате празна микробранова. Имено во тој случај микробрановите немаат во што да се апсорбираат и таа може да се расипе.
