Корисни трикови за подолго да трае цвеќето во вазна

Букет свежо цвеќе е најлесниот и најубавиот начин да го декорирате вашиот ентериер во пролет. За да уживате што подолго во убавината на прекрасниот букет кој ја краси вашата трпеза, предлагаме да ги пробате овие методи кои ги користат во цвеќарниците.

Отстранете ги непотребните листови

Започнете да го редите букетот со отстранување на листовите на дното на стеблото. Сепак, не ги отстранувајте сите – добро е да оставите неколку листови одозгора за целиот аранжман да изгледа што поприродно. Ова се однесува и на розите и на лалињата.

Задолжително потсечете ги краевите на стеблата

Методот е можеби веќе виден – но ретко кој знае како да го направи тоа правилно! Најдобро е да ги исечете краевите на цвеќето под агол со нож или ножици, кои имаат многу остро сечило.

Натопете ги стеблата во топла вода за да останат свежи подолго

Растенијата со дрвенести стебла (како розите) ќе останат свежи подолго ако, освен што ќе ги исечете врвовите, некое време ги потопите во топла вода. Ова ќе им помогне да апсорбираат повеќе вода додека стојат во вазна. Потопувањето на стеблото во топла вода исто така ќе помогне да се освежат розите кои извесно време стојат во вазна. Пред да ги потопите, треба да ги исечете краевите и да додадете малку шеќер во водата.

Прободете го стеблото

Овој метод е добар за лалиња или гербери. Со нежно боцкање на стеблото, го отстранувате воздушниот чеп што се формира на неговиот крај и го блокира протокот на вода.

Брзо освежување

Ако лалињата ја изгубиле цврстината, едноставно завиткајте ги во чиста хартија, ставете ги во вода и оставете ги на ладно место. Брзо ќе ја вратат свежината. Кога ќе ги „обесат“ цветовите надолу, ставете ги некое време  под вклучена светилка – повторно ќе се освежат. Розите брзо закрепнуваат со потопување во многу ладна вода неколку минути.

Лалињата сакаат шеќер

Малку шеќер додаден во водата не само што ќе го продолжи животот на лалето, туку и на нарцисите и ирисите. За возврат, розите сакаат четвртина аспирин, а за камелија и гарденија се препорачува сол.

Малку сулфур

Овој трик ќе ги одржува вашите гербери во добра состојба подолго време. Доволно е да се вметнете кибритче  на крајот од стеблото, со сулфурот свртен нагоре.

Не премногу вода

Лалињата и нарцисите сакаат кога нема многу вода во вазна. Во спротивно цвеќето брзо ќе скапува.

Не мешајте лалиња со други цвеќиња

Лалињата дефинитивно не сакаат друштво. Најдобро се чувствуваат сами во вазна, па не вреди да се мешаат со други видови цвеќиња. Ако направите букет од нарциси и лалиња во една вазна, може побрзо да ја изгубат свежината.

Купете цвеќиња во пупки

Последно, но не и најмалку важно – ова едноставно правило вреди да се запамети! Иако на прв поглед развиените цвеќиња изгледаат попривлечни – оние во пупките ќе останат во вазна многу подолго.