Трик за спас на рацете по работа со лути пиперки
Зачинетата и лута храна на многумина им е омилена. Користењето свежи или суви лути пиперки при подготовка на јадењата има и негативен ефект – отстранувањето на лутината од рацете. А колку е голема мака знае секој кој се обидел да готви со лути пиперки. Сепак има трик.
Кога веќе сте дошле во ситуација да ги олутите рацете, знајте дека обичното миење со сапун воопшто нема да ви помогне. Пред да ги измиете со сапун и да ги ставите под вода, дланките намачкајте ги со масло за јадење или путер, па темелно измијте ги со сапун. А ако претходно сте направиле грешка и сте ги допреле очите, спасот побарајте го во ладни облоги.
Но, што кога јадете лути пиперки. Тие се навистина вкусни, ама проблемот е со лутината која потоа останува во устата и знае да е непријатна.
Многумина веднаш посегнуваат по вода, а тоа само ја влошува ситуацијата. Наместо вода земете парче леб и џвакајте го. Други продукти кои помаат во ваква ситуација се:
– млечни производи – млекото, павлаката и сирењето помагаат во неутрализација на капсицинот, состојката која е одговорна за лутината на пиперките.
– масло за јадење – земете една лажица масло и со нејзе исплакнете ја устата, па исплукајте го. Ако ова не ви е пријатно, тогаш земете лажица мед или путер од кикирики.
– кисела храна – лимон, домат, лимета исто така помагаат во неутриализација на капсицинот во устата.
– скробна храна – освен лебот, оризот и компирот се однесуваат како вистински сунѓери и го впиваат вишокот капсицин. Тие не само што го неутрализираат капсицинот туку и не дозволуваат да се влоши ситуацијата.
