Славни мајки кои си ја изедоа сопствената плацента
Плацентата е чудесен орган создаден од женското тело за време на бременоста, што му овозможува на бебето да преживее. Но, постои и практика да се јаде плацентата по породувањето. За неколку познати мајки кои го дегустираа овој орган, пишува порталот roditelji.hr.
Многу жени денес веруваат, а лекарската фела не се согласува, дека јадењето на плацентата по породувањето ја враќа силата и здравјето на жената, го спречува појавувањето на постпородилна депресија, но и го поттикнува производството на млеко.
Но, иако во старите времиња, во некои култури жените јаделе сирова плацента, веднаш по породувањето, денес е вообичаено да се подготвува во смути, да се дехидрира и да се става во капсули, некои мајки j пржат и јадат, а има и такви кои сè уште се држат до старите обичаи, па ја јадат сирова, уште во породилната сала. На интернет има дури и многу рецепти и кулинарски упатства за подготовка на плацентата на различни начини.
И славните мајки решија да го пробаат ова, а една од нив е Хилари Даф. Откако ги родила второто и третото дете, ќерките Бенкс Вајолет и Меј, Хилари признала дека ја испила плацентата во смути.
View this post on Instagram
„Тоа беше највкусното смути што некогаш сум го испила“, го опишала своето прво консумирање плацента во американски подкаст. „Беше полн со калории со сок и овошје и сè што сакам“.
Актерката призна дека на почетокот била скептична околу идејата да ја консумира сопствената плацента, но откако дознала дека помага да се спречи постпородилна депресија и да се ублажи постпородилното крварење, одлучила дека вреди да се проба. Откако ја пробала плацентата, Хилари тврди дека се чувствувала одлично, а остатокот, кој не го испила во смути, бил замрзнат во коцки и продолжила да ја конзумира за време на постпородилниот период.
Кетрин Хејгл, ѕвездата на „Вовед во анатомија“ откако го роди синот Џошуа Бишоп, направи капсули од нејзината плацента. Кетрин се породила со царски рез и веднаш ја предала плацентата на дехидрација, за потоа од неа да се изработат капусли. Потоа ги консумирала во постпарталниот период и има многу позитивни искуства.
View this post on Instagram
А Кортни Кардашијан, мајка на три деца, уште во 2014 година, по раѓањето на бебето Рејна, на социјалните мрежи се пофали дека пиела капсули од плацентата. Ријалити ѕвездата напиша објава: „Њами, вкусни … капсули PLACENTA! Не се шегувам, ќе бидам тажна кога ќе ги потрошам моите омилени апчиња од плацентата.“
View this post on Instagram
Ким Кардашијан, откако го роди своето второ дете, за прв пат ја конзумирала плацентата, преку капсули. Додека се бореше со постпородилна депресија по првото породување, Ким ги следеше советите на мајките кои го избегнаа проблемот со постпородилна депресија, јадејќи ја својата плацента.
View this post on Instagram
Но, ако некоја мајка е на удар на критиките за нејзиниот родителски избор, тоа е Мајим Бијалик, ѕвездата од серијата „Теорија на голема експлозија“. Освен што се породила во својот дом, актерката го доела своето дете до три години, а буквално си ја изела плацентата. За да се одбрани од злобните критичари, таа на својот Инстаграм напиша: „Човечките суштества се единствените цицачи кои одбиваат да ја јадат својата плацента. За другите цицачи тоа е природен инстинкт бидејќи плацентата е богата со протеини и железо, кои се важни за закрепнување на телото на мајката по породувањето. Крај на приказната.’
