Нов тип на контрацепција за мажи: ја запира регенерацијата на спермата
Германската дизајнерка Ребека Вајс ја доби наградата „Џејмс Дајсон“ за уредот наречен Coso, односно тоа е контрацептивна бања за тестиси со ултразвучни бранови која влијае на производството на сперма.
За да се користи уредот се полни со вода до означеното место, се вклуува да се загрее до соодветна температура, па потоа лицето седнува неколку минути со тестисите потопени во водата. Методот е целосно безболен и реверзибилен, односно контрацепцијата започнува две недели по првото користење, а плодноста се враќа најдоцна шест месеци по последната апликација.
Вајс почнала да размислува за машка контрацепција откако ѝ бил дијагностициран рак на грлото на матката, што значело дека повеќе не може да пие контрацептивни таблети, па со партнерот почнале да бараат алтернативни методи. При тоа откриле дека кога станува збор за машка контрацепција, можностите се ограничени на кондоми и вазектомија.
Вајс почнала да ја истражува темата како дел од нејзиниот магистерски труд по индустриски дизајн на Техничкиот универзитет во Минхен. Нејзиниот дизајн за Coso се заснова на истражување кое покажало дека ултразвучната контрацепција била успешна кај животните, но досега не била тестирана на луѓе. При истражувањето таа водела многу работилници и во истражувањето вклучија над 400 учесници. Напоредно работела со експерти за урологија, андрологија, сексуална терапија и психотерапија.
Таа се надева дека нејзиниот уред наскоро ќе стане достапен за сите. Coso е мал уред како сад, елегантен однадвор и потсетува на домашни гаџети, а е едноставен за користење.
View this post on Instagram
