Колку заработувала Шакира, а колку Пике и како ќе го поделат имотот
Шакира и Пике се заедно од 2011 година, а пејачката и фудбалерот се запознаа на снимањето на видеото за нејзината песна „Waka Waka“ направена за Светското фудбалско првенство во 2010 година. Иако никогаш не ја легализираа својата брачна заедница, во долгиот заеднички живот добија два сина – Милан (9) и Саша (7) и стекнаа големо финансиско богатство.
Според шпанскиот весник „Марка“, колумбиската пејачка и фудбалерот по раскинувањето ќе треба да се договорат за прераспределба на имотот. Имено, Шакира во последните години заработила околу 300 милиони евра, благодарение на нејзината успешна музичка кариера. Жерар Пике, пак, во сличен временски период заработил 80 милиони.
Нивната лична заработка ќе остане недопрена затоа што никогаш законски не ја официјализирале врската. Исто така, распределбата не се однесува на движен и недвижен имот, купен или стекнат, пред заедничко живеење и раѓањето на децата.
Шакира поседува вила во Мајами вредна 13 милиони евра, а фудбалерот поседува куќа на три ката во центарот на Барселона, чија вредност се проценува на 4,5 милиони евра.
Покрај договорот за старателство над синовите, договорот мора да биде и поради заеднички инвестиции. Шакира и Пике заедно купија куќа во Есплугес де Лобрегат вредна 4,5 милиони евра во 2012 година и уште една куќа во близина на Камп Ноу вредна пет милиони евра. Ова се два имоти кои бившите партнери треба да ги делат.
Станот во Барселона, каде моментално живее Пике, по раскинувањето е во негова сопственост. Шпанскиот весник „Марка“ наведува дека станот на фудбалерот во срцето на Барселона има три ката, тераса и базен и вреди 4,5 милиони евра.
За потсетување, раскинувањето меѓу Шакира и Пике, според шпанските медиуми, се случи поради измама. Иако постојат различни верзии, парот не сакаше да излегува во јавноста со интимни детали. Пејачката пред неколку дена беше фотографирана во брзата помош, но ги демантираше приказните дека и е болна и појасни дека била со татко ѝ кој паднал.
