Истражување го откри „рецептот„ за среќен брак: една работа ќе ве изненади
Неодамна спроведена студија покажа дека постојат јасни предуслови за долговечна и среќна врска. Според истражувањето, рецептот за совршен брак вклучува и неколку смислени разговори, чести долги прошетки и барем две големи расправии секој месец.
Студијата била спроведена над 2000 среќно оженети мажи и омажени жени кои велат дека освен наведеното, за среќа во бракот придонесуваат и редовните заеднички одмори, галење и интимност. Според резултатите среќни двојки се оние во кои партнерите во бракот продолжуваат да се занимаваат со хобито кое го имале пред бракот, оние кои на својата „втора половина“ ѝ дозволуваат да ги види и во нивните најлоши изданија, како и оние кои меѓусебно се шегуваат и „глупираат“.
Покрај тоа за среќа во бракот, вели студијата, придонесува и меѓусебното жалење на работата и други обврски, како и меѓусебното искажување почит. Поминувањето на заеднички викенд без обврски, исполнет со одмор, хумор и делење заеднички интереси многу помага да се сочува блискоста во бракот. Сепак дефиницијата за романтика не е иста за секого, па четири од десет анкетирани лица ги ценат и секојдневните мали гестови на сопружниците, па за романтично го сметаат и фрлањето ѓубре или помагање во некои други куќни обврски.
Според истражувањето клучни компоненти за среќен брак се квалитетно поминато заедничко време, меѓусебна посветеност кога едниот од партнерите ќе се разболи, чувството на слобода и прифаќање, како и поддршка на партнерот да се занимава со саканото хоби.
Како што наведува Томсон, истражувањето покажало дрека предуслов за долговечен и среќен брак е тоа партнерите да дозволат меѓусебно да се видат во најлошо и најдобро издание, како и редовно да разменуваат нежност и внимание.
