Еве зошто кафето не треба да го пиете подолго од 20 минути
Многу истражувања го поврзуваат кафето со разни корисни влијанија врз нашето здравје – од намалувањето ризик од деменција, па до забрзување на метаболизмот, како и актот дека кафето дава дополнителна енергија во миговите кога ви е повеќе од потребна. Но, факторите како времето кога го пиете кафето, додатоците кои ги користите, можат да го намалат влијанието на овој магичен пијалак. Еве кои други грешки не треба да ги повторувате, ако сакате да уживате во вкусно кафе.
Купувате мелено кафе
Секако потребен е дополнителен труд ако сакате самите да сомелите зрна кафе, но истражување направено од научниот магазин „Фуд Хемистри“ открило дека купеното мелено кафе содржи повеќе слободни радикали кои можат да доведат до оксидативен стрес и воспалителни процеси во вашето тело. Исто така важно е откако ќе го купите кафето, зрната да ги ставите во херметички затворен сад. Ако ги чувате во оригиналната вреќичка тие со секое отворање ќе доаѓаат во допир со воздухот и тоа ќе го намали нивото на слободни радикали во него. Така се трошат корисните антиоксиданси во кафето и тоа губи од квалитет.
Кафето го пиете рано наутро
Пиењето кафе во 7часот наутро нема многу да влијае на нивото на вашата енергија. Причина за тоа е што вашите стрес хормони се на највисоко ниво токму кога ќе се разбудите, поради што ќе добиете природен налет од енергија. Стручните лица се согласни дека најдобро време за пиење кафе е меѓу 10 и 12 часот, кога нивото на кортизол (хормон на стресот) почнува да паѓа. На овој начин ќе го искористите природниот прилив на енергија кој се случува наутро и ќе го „сочувате“ кофеинот за подоцна. Внимавајте и на количината испиено кафе. Тоа е здраво само ако не пиете повеќе од 5-6 филџани на ден, што е отприлика 400 мг кофеин. Но ова се однесува на тн. американско кафе, кое се пие разредено и во големи филџани. Конзумирањето многу кафе нема да ви помогне, дури може и да ви наштети.
Користите премногу додатоци за кафе
Една од најдобрите „нуспојави“ од кафето е стабилизирање на нивото на шеќер во крвта и намален ризик од појава на дијабетес. Но што се случува кога во кафето ќе додадете шеќер? Истражувањата се поделени – некои се сложуваат дека со додавањето малку шеќер во кафето и понатаму можете да го намалите ризикот од дијабетес, додека други тврдат дека тие ефекти исчезнуваат со додавање шеќер. Затоа држете се до препорачаните дневни количини шеќер – малку е во ред, но не го претворајте кафето во десерт.
Предолго го пиете кафето
Ви звучи познато – сте приготвиле филџан кафе, пиете неколку голтки, а потоа заборавате на него неколку часа? Ако често ви се случува, имајте на ум дека киселоста на кафето расте со тек на време. Тоа не е здравствен ризик, но дополнителната киселина може да доведе до лошо варење и зголемено нагризување на забната глеѓ. Исто така кафето кое долго време стоело, во себе содржи помалку антиоксиданси. Затоа немојте да пиете кафе подолго од 20 минути.
