Добрата комуникација ја одржува љубовта во бракот

Ако сакате да ја одржувате љубовта во бракот „жива“, тогаш најважно е како комуницирате со партнерот. А за да биде ефективна комуникацијата, најдобро е кога се одвива со разбирање. Но, ова може да звучи полесно да се каже отколку да се направи, особено ако вие и вашиот партнер постојано се расправате. Нереално е да се каже дека никогаш нема да имате несогласувања во бракот. Но, дали постои линија што не треба да ја преминете?

Кога комуницирате со партнерот, смирете се пред да кажете било што. Ако сте лути, премногу емотивни или реагирате пребрзо, тоа значи дека ќе следи катастрофа. Едноставно сфатете дека ништо добро не доаѓа од разговорот кога еден или двајцата сте лути.
Еден збор што треба да го избегнете е – развод. Користењето на оваа закана создава огромен недостаток на безбедност за вашиот партнер. И кога сте вознемирени, можеби ќе ви се допадне идејата да избегате, но знајте дека тоа е само бегство од вашите чувства и стравот да не бидете повредени. Сè што е потребно е да се смирите и да се вратите да разговарате. Расправиите и тепачките често произлегуваат од спротивните потреби, односно најчесто партнерите не сфаќаат колку се важни потребите на другиот партнер.
На пример сопругата која останува дома со децата, потребен ѝ е одмор, а сопругот сака таа да сфати колку тој напорно работи. И наместо да поразговараат за своите потреби тие почнуваат да се провоцираат со неубави зборови.
Затоа кога сте вознемирени, смирете се, па запрашајте се: „Што ми треба? и „Што му треба на мојот партнер?“

Иако изгледа премногу едноставно, верувајте дека одговорите решаваа, дури и спречуваат, многу проблеми. Кога ги почитуваме сопствените потреби и ги поддржуваме потребите на партнерот, љубовта цвета природно. Животот може да биде полн со обврски, дури и бурен, и тоа најчесто доведува партнерите да немаат доволно време еден за друг и да ја негуваат својата врска. Затоа  е потребно да разговарате и да се договарате за обврските, а при тоа да ги искажете јасно своите потреби, како на пример:  „Треба да работам до доцна, дали можеш да ги собереш децата на фудбалски тренинг“.

Исто така важно за поттикнување на љубовната комуникација во вашата врска, е секој ден да одвојувате време да седнете и разговарате за она што ви се случува во животот. Тоа ќе ви помогне и двајцата да сте на иста страница.

Времето кое ќе си го посветите еден на друг споделувајќи грижи или фрустрации, нека биде без прекини или одвлекување на вниманието. Секако добро е повремено да  излезете на состанок или да испланирате забавен викенд само за вас двајца. Квалитетното заедничко време е еден од најдобрите начини да се негува врската и да се врати „чувството на меден месец“.

Колку и да негирате, љубовта е избор.