Децата низ цртежите кажуваат што мислат и чувствуваат
Цртањето е бескрајно забавно, но е повеќе од забава. Тоа на интерсен начин го стимулира развојот на моториката, визуелните перцепции, просторното планирање на хартија, меморијата. Затоа децата треба да се бодрат на овој начин да го поминуваат слободното време. Треба да ги мотивирате да цртаат, да ги пофалите нивните мали уметнички дела и да им давате конструктивни критики. Тоа значи да им дадете совет, а не да се чудите за тоа што за вас е нелогично, или пак да и се смеете затоа што на цртежот гледаат нешто што вие не гледате.
Она што го привлекува детето, на цртежот ќе го стави во преден план, а она што не му се допаѓа воглавно ќе го црта со мали димензии и ќе го бои во темна боја. Кога се плашливи и немаат самодоверба, децата воглавно цртаат стискајќи го моливот, притискајќи, уоквирувајќи ги облиците и често во аголот на хартијата, ситно.
Има неколку фази во детското цртање
Фаза на шарање– ова е првата фаза во која децата повлекуваат линии без некоја посебна претстава за тоа каде им оди раката, каде бојат и какви траги оставаат. Во таа фаза детето полека го сфаќа односот меѓу движењата кои ги прави и трагите кои ги остава. По неколку повлечени линии детето почнива да се обидува да ги повтори истите линии, и кога ќе успее чувствува задоволство.
Фаза на пресимболизам – околу третата година детето почнува да прави кружни движења, благодарение на кои може да нацрта фигури кои наликуваат на луѓе и животни. Потоа ги усовршува наведените фигури обидувајќи се да ги црта поинаку, да им додаде детали и „експериментира“ со нивниот изглед.
Фаза на симболизам – во напредната фаза децата не само што не обраќаат внимание на ликовите одеделно, туку прават и одреден однос меѓу нив по свое. Освен што во ова фаза човечките фигури почнуваат да добиваат повеќе детали, децата почнуваат да ги цртаат правејќи одреден однос меѓу нив, да ги цртаат во одреден простор.
Фаза на реализам – сега веќе децата своите цртежи ги збогатуваат со бројни детали, послободно користат бои и прават комбинации. За да можат да ги изразат своите емоции на децата треба да им обезбедите бои. Така ќе бидат мотивирани да цртаат и да ја изразат својат фантазија.
