Брук Шилдс поминала вистински пекол со постпородилната депресија

Актерката Брук Шилдс проговори за тешката постнатална депресија што ја доживеала откако станала мајка, а која за малку ќе завршела фатално.

Додека го промовираше својот нов документарен филм „Убава девојка“ на WTF во подкастот на Марк Марон, Шилдс ја раскажа „застрашувачката“ ситуација во која се нашла во 2003 година.

– Мислев дека ќе го втурнам мојот автомобил во ѕид – изјави таа објаснувајќи како морала веднаш да му се јави на својот лекар, додека растревожено седела сама во автомобилот.
Во најавата за подкастот, Шилдс му објаснува на водителот Марк Морон дека откако ја родила нејзината ќерка Роуан во 2003 година, западнала во „многу лоша“ состојба на депресија. А пред инцидентот со автомобилот таа престанала да ги зема лековите кои ѝ биле препишани за нејзината состојба.

– Бев многу несреќна и исцрпена. Седум пати поминав низ ин витро.Изгубив толку многу крв кога ја родив, што мислев дека ќе умрам.

Комбинацијата од тоа искуство и нејзината борба да се приспособи на мајчинството ја натерале да побара лекарска помош. Во интервјуто Шилдс го искажа и своето разочарување од општеството, бидејќи постнаталната депресија не се препознава како психичка состојба и не им дозволува на жените да бидат поотворени и искрени за своето искуство. Нејзиниот лекар на крајот ја сфатил нејзината состојба посериозно и ѝ препишал лекови за помош. Шилдс првично одбила да го земе, а подоцна семејството и пријателите ја охрабриле да почне со терапија.

По неколку недели, таа конечно се чувствувала „нормално“ и ја направила најголемата грешка, односно престанала да го зема лекот, што ја довело до самоубиствени мисли.

За среќа по инцидентот таа успеала да се врати на вистинскиот пат и конечно да се почувствувала како да се поврзува со нејзината ќерка, а не како нејзиното бебе да е „странец за неа“.

Актерката во 2006 година, по раѓањето на втората ќерка Гриер, напиша книга за своето искуство, „Доаѓа дождот: Мојот пат низ постнаталната депресија“.