Помогнете му на детето полесно да се одвикне од пелените
Преминот од пелени на нокширче, е нешто од коешто се плашат многу млади родители. Најчесто од незнаење како да го олеснат овој процес или пак немањето доволно трпение. Но, со неколку едноставни чекори можете да си помогнете и себеси и на детето, што побрзо да го минете овој период.
Подгответе го детето
Ова ќе ви помогне вам и на вашето дете емотивно да се подготвите за големиот ден. Можете да му помогнете на детето само да си го одбере своето нокширче, бидејќи така ќе се почувствува дека е вклучено во еден важен прицес. Исто така обезбедете доволно облека за пресоблекување. И овде заедно со детето направете избор на комбинации и бои кои ќе ги менувате по секоја мала незгода.
Извадете ги килимите од домот
Сите делови од домот каде што може да се случи детето да се измочка, оставете ги без теписи или други подни покривки. Некои родители ставаат мушама во делот од домот каде што треба да стои нокширчето.
Откријте што го мотивира
Ова е многу важно. Додека едни родители можеби нема да користат каква било форма на охрабрување или награда, други го прават тоа. И помага. Некои користат слатки задоволства како лижавчиња со вкус на овошј, органско темно чоколадо, и слично. Но, храната секогаш ги мотивира возрасните, а кога се децата во прашање, играчките се на прво место. Купете играчки и од време на време охрабрувајте го детето со нова награда- играчка.
Често ставајте го на нокширче
Ако сакате да стекне навика за да оди во тоалет, наместо да мочка во пелени, мора да направите распоред и да се придржувате до него. Првата недела нека биде едноставен распоредот, бидејќи сигурно не сакате да извршувате разновидни обврски и да чистите по детето. Исто така бидете сигурни дека детето е облечено во облека која лесно се отстранува кога треба да оди во тоалет, како што се еластични шорцеви, панталони или здолништа. Ова ќе му помогне на детето да сфати дека може самото брзо да се соблече и ќе избегнете незгоди при седнувањето на нокшир.
Пофалете ги, но, не премногу
Речиси секое дете ќе има незгоди додека да се научи да седи на нокшир и треба да прифатите дека ова е нормален дел од процесот.Повремените пофалби ќе направат да се почувствуваат среќни и да сфатат дека добро ја извршиле задачата.
Направете да биде забавно
Децата сакаат забава и некои родители сметаат дека создавањето на посебна песна при седењето на нокшире одличен мотиватор. Пеењето може да ја трансформира речиси секоја работа или задача во забава. Некои мајки ставаат прехранбени бои во тоалетната вода што ги возбудува некои деца да одат. Некои родители прават мала забава со нокширче. Бидете креативни.
