Ослободете се од токсичните мисли, тие само ви го уништуваат животот
Уште во детството усвојуваме одредени негативни верувања од родителите, воспитувачите, наставниците, а во текот на животот лажните пријатели и погрешните партнери исто така придонесуваат за разни болки и негативности.
Без разлика како настанале, негативните мисли се таложат во нашата глава, а тоа негативно влијае на нашиот успех, животниот пат, исполнувањето на желбите…
Тие нè спречуваат да бидеме најдобрата верзија од себе – оној кој може сè во животот!
Еве кои ставови нè спречуваат да живееме подобро:
1. „Не сум доволно добар“ – Ова доаѓа од упорните споредби со другите луѓе. Забораваме дека секој од нас е индивидуа за себе, со своите успеси, потреби, можности. Често создаваме идеализирани слики на другите, кои се навистина само наша илузија. Споредувањето со другите носи само негативност, а единствената личност со која треба да се споредувате сте вие самите.
2. „Нема да бидам среќен до …“ – Ако чекате нешто да се случи – нова работа, селење, одгледување деца, патување – да бидете среќни, нема да добиете многу од вашата среќа. Ако среќата ја поврзувате само со надворешни искуства, бидете сигурни дека дури и кога ќе се случи она што го сакате, ќе најдете нешто ново што треба да се случи за да бидете среќни. Среќата е внатре, СЕГА и ТУКА!
3. „Доцна е да сменам нешто“ – Уште една илузија која нè тера да се држиме до нешто над кое имаме моќ. Понекогаш е тешко да се ризикува, но не можете да знаете што ќе се случи ако не се обидете, ако не се потрудите. Откажувањето е слабост, а времето никогаш не е фактор што може да не ограничи. Постои изрека – „Никогаш не е доцна да сонуваш нов сон или да исполниш нова цел“.
4. „Сè уште не сум подготвен“ – Никој не е 100% сигурен во своите постапки, никој не може да знае што ќе се случи утре или за една година. Никој не го знае патот до добар живот, тој е покриен со магливи тајни. За да живеете подобро, ќе треба малку да поминете низ маглата – со целосно слепило и големи сомнежи дека овој пат е вистинскиот. Можеби не е, но ќе научите нешто од ова.
5. „Немам време“ – Зошто мислите дека ќе имате повеќе време во иднина? Ако вашиот изговор е дека немате време да го постигнете вашиот сон, цел или она што ве исполнува, тогаш тоа не е вашата вистинска животна мисија!
