Како да процените дали партнерот е подготвен за сериозна врска
Многу девојки се прашуваат дали личноста што стои пред нив е вистинската личност за сериозна врска. Брачните психотерапевти советуваат како најдобро да ја процените личноста и како најлесно да дојдете до сериозна и сигурна врска, исполнета со љубов.
Поставувајте дирекни прашања
Според мислењето на брачните терапевти, жените често доаѓаат во заблуда дека партнерот е подготвен за брак, при спомнување на деца или избирање детски имиња, кои би му се допаднале. Но, не треба да заобиколувате. Треба да бидете отворени и да го прашате партнерот кои се неговите цели и што сака од врската. Отворен разговор на почетокот од врската ќе му даде на знаење на партнерот дека се почитувате себеси.
Поставете заеднички цели
После извесен период, доаѓа момент кога треба да поставите заеднички цели во врската. Тие ги поврзуваат партнерите и го подобруваат односот помеѓу нив. На тој начин постепено ја градите иднината со партнерот за која сте сонувале. Заеднички цели се всушност конкретни планови и рокови за нивно остварување. Но, овие цели не претставуваат условување, туку можност преку заедничко остварување да си овозможите иднина каква што посакувате.
Разговарајте за минатото
Доколку стигнете до момент во врската каде веќе сте оствариле неколку конкретни заеднички цели, минатото не би требало да игра важна улога. Но, од друга страна и не треба да биде табу тема за која никогаш не би разговарале. Минатото не го дефинира сегашниот однос со партнерот, но ќе ви помогне подобро да се разберете меѓусебно. Треба да разговарате слободно за сè она што сте го преживеале пред вашата врска. Сепак, секој имал приватен и интимен живот пред запознавањето на сегашниот партнер.
