Заштитете ја кожата од стареење

Алкохол, лоша исхрана и нега можат да додадат на вашето лице непотребни години. Стареењето на кожата е процес кој е неминовен и не може да се сопре, но може да се успори.

Како се приближувате кон 30те години, телото намалува со создавање на колаген и еластин, две состојки кои на кожата ѝдаваат цврстина и еластичност. Во исто време масните клетки кои се под кожата се губат и напоредно со губењето на еластинот и колагенот, се создаваат брчки. Кожата исто така почнува да ја губи сопсобноста за надокнадување на влажноста, што ја прави посува со иритирани делови. Со тек на годините се појавуваат брчки на челото и околу очите кои настануваат со перманентните ситни контракции на мускулите од лицето.

Промени на кожата со тек на годините
Кожата порано или подоцна природно почнува да покажува знаци на стареење, зависно од тоа каква нега сте ѝ овозможиле во тек на животот. На некои причинители на стареењето, како што се надворешните фактори, не можете да влијаете. Но, постојат први чекори кои можете и морате да ги превземете за да го одржите младешкиот и негуван изглед.

Прво и најважно е да се храните здраво и разновидно. Вашата кожа како и организмот, бара витамини за да ја одржи елстичноста и здравјето. Погрижете се доволно да внесувате свежо овошје, зеленчук и немасно месо.

Кога е кожата во прашање, одморот е многу важен, бидејќи се обновува и одмора телото од штетните надворешни фактори. Од друга страна, ако не спиете доволно, организмот ќе биде уморен, а последиците од бессоните ноќи прво ќе ги видите на лицето во вид на брчки, подочници и црвенило.

Ослободете се од нездравите навики и зависности

Пушењето, пиењето и претераните вечерни излегувања секако не ѝ користат на убавината на вашата кожа. Нездравите состојки од една цигара и алкохол предизвикуваат прерано стареење на телото однавдор и одвнатре. Ако од тие навики сепак не можете лесно да се ослободите, пробајте да ги сведете на минимум.

Пред спиење задолжително остранете ја шминката, бидејќи таа ги затвора порите, продира во кожата и го оневозможува нејзиното дишње. Резултат се акни и брчки, токму она кое сакате да го спречите. Исто така ако спиете секогаш во иста положба можете да го забрзате појавувањето на брчки. Спиењето на страна како и на стомак не е препорачливо, бидејќи така доаѓа до создавање линии на лицето. Со тек на годините од овие линии потешко ќе се ослободувате. Најдобро е да спиете на грб. Можеби во текот на ноќта ќе се вртите на страна и стомак, но сепак пократко време ќе поминете во таа положба.
Квалитетната козметика, како и посетата на стручно лице ќе ви помогне да ја одржувате виталноста на кожата. Треба да изберете препарати кои се прилагодени на вашата возраст, вид на кожа и да ги користите на дневна база.
Секако уште еден фактор кој не е за занемарување е стресот. Константната изложеност на стрес, анксиозност и грижи има разона моќ за целиот организам. Ги уништува и оштетува клетките во организмот и така го забрзува стареењето. Освен кожата, стресот го остарува и мозокот, па ќе имате зголемен крвен притисок и лош сон, а сето тоа во комбинација доведува да изгледате постаро. Можеби ви делува незамисливо да живеете без стрес, но морате да научите длабоко да земете воздух и да смените некои навики. Пробајте јога и медитација, повеќе време во природа…