Велигденска радост за децата во „11 Октомври“

По иницијатива од здружението „Родители и деца“, беше организирана добротворна акција за децата од домот „11 Октомври“ во Скопје.

Членовите од интернет сајтот и форумот „Родители и деца“, собраа донации од кои беа купени украси за домот, а истовремено донираа и вапсани велигденски јајца, за штитениците на домот.

Со мала, но од срце направена акција, им беше разубавен празникот Велигден и на овие дечиња, кои ни заблагодарија со искрена насмевка и топла прегратка.

Благодарност до сите учесници во акцијата.

Вашите „Родители и деца“