Што никогаш не треба да го принудувате своето дете
Веројатно не постои родител кој не верувал дека ќе да биде фер, секогаш ќе донесува правилни одлуки, ќе биде бескрајно трпелив, но истовремено ќе го воспитува своето дете доследно, решително, но со многу разбирање за потребите на своето најмило. Во идеалниот живот ова сценарио е можно. Во реалниот живот и родителите грешат, губат нерви, викаат, а понекогаш и носат погрешни одлуки. За малку да ви ја олесниме тешката родителска улога, ви даваме листа од работи на кои никогаш не смеете да го принудувате своето вашето дете.
Да јаде, ако не е гладно
Лекарите советуваат три големи оброци дневно и пет помали, но треба да се има на ум дека секое дете е различно. Впрочем, нашите тела нè предупредуваат кога треба да јадеме и кога да пиеме. Размислете, дали некогаш сте виделе дете кое нема гласно да ви стави до знаење ако е многу гладно. Веројатно не. Затоа, заклучокот е јасен.
Да биде нешто што не е
Ако вашето дете е срамежливо, таа негова особина треба да ја прифатите, но не се обидувајте да го смените. Не го терајте да се дружи со многу деца, ако тоа сака да си игра само со еден најдобар пријател. Истото важи и за екстровертирани и бучни деца. Понекогаш тешко е да се следат, но не го менувајте нивниот карактер.
Да се извини, ако не знаете што згрешило
Често ќе слушнете на игралиште родители како им наредуваат на своите деца да се извинат за ова или она. Децата ќе се извинат, но всушност не знаат што навистина згрешиле. Значи, прво што треба да направите е да им објасните што направиле погрешно.
Да му мафне на секој кој на улица ќе му се насмевне
Правилото “не зборува со непознати” треба да се применува за заштита на децата од оние кои немаат добри намери.
Да спие во одвоен кревет, ако не сака
Тука, секој родител има веќе оформено мислење, но оние кои се малку полиберални ќе се согласат дека децата не треба да се присилуваат на чекори за кои не се подготвени. Нека реши детето само кога е подготвено за одделување и спиење во сопствен кревет и соба.
Воведување диета, бидејќи е малку подебелко
Секако, постојат деца кои треба да ослабнат, но тоа не значи дека треба да им се воведе ригорозна исхрана. Едноставно мора да донесете вистинска одлука, додека сте во продавница или на пазар. Купувајте здрава храна, зеленчук и овошје, а не= безалкохолни пијалаци и слатки. Во овој случај диета нема да биде потребна.
Да го терате да прави нешто во кое не е добро
Не ве охрабруваме да одгледате дете кое лесно ќе се откажува, но ако вашето дете дури и по неколку месеци тренирање фудбал не ги совладало основните вештини, време е да се префрли на друга активност, која ќе ја избере. Да се занимаваш со нешто во кое си добар, е одлично искуство кое влијае на самодовербата.
Оставање да спие кај друг
Некои деца едноставно не сакаат да спијат кај пријатели. Тие сакаат кога мама наутро ќе им подготви појадок, сакаат позната соба и мирис. Ако вашето дете вели дека не би сакало да остане кај некој друг, не го оставајте, без разлика какви планови или обврски имате. Најважно е детето да се чувствува сигурно и безбедно.
