Сакајте го своето тело!
Група вработени мајки и блогерки решија да стават крај на митот за брзо враќање во форма по породувањето, кој вештачки им е наметнат на жените. Покажувајќи ги своите тела по породувањето, овие жени веруваат дека ќе им помогнат на сите други идни мајки да се ослободат од притисокот дека мораат по породувањето веднаш да се вратат на старата килажа и изглед, што стана општо прифатен идеал и норма.
Во фотосесијата наречена „Галерија на Божиците“ жените гордо позираат покажувајќи своите несовршени тела, наспроти оние фотосесии на славните мајки кои секој ден се фалат со својата брзо вратена виткост.
Дена Фелено, една од блогерките на сајтот CT Working Moms, подоцна напишала:
„Пред извесно време една пријателка ми спомена дека се плаши да кликне на линкот „Телото на Бијонсе по породувањето“ . Сите знаеме што се крие зад таквиот наслов. Прекрасна пејачка со тело како на девојка. Само пребарајте на гугл „body after baby„ и ќе ги видите славните со нивните тела во нормална тежина како никогаш да не родиле. Исто е и во пишаните медиуми. Тие жени сигурно работат напорно за да си ја вратат претпородилната фигура, но ние просечните жени, кои не сме манекенки од Викторија сикрет, го немаме луксузот наречен фотошоп, лични тренери, приватни готвачи, дадилки и други привилегии. “
Така подоцна решила да ги собере другите жени и да ја направат фотосесијата со која сакаат да им порачаат на сите жени, да не се срамат од облините по породувањето, туку да бидат задоволни со своите тела, без разлика што според некои вештачки наметнати норми, не се во групата „идеални“.
Фелено открива дека не и‘ било сеедно да се гледа себеси на таквите фотографии, но тоа брзо го надминала.
Докторката Ен Керни- Кук, која е психолог во Синсинати, вели дека на жените сеуште им треба многу време додека се навикнат да го прифаќаат своето тело онакво какво што е.
– Стана толку нормално жената да има ниско мислење за својот изглед и да не е задоволна со своето тело, што ако каже поинаку, другите ја сметаат за чудна и не и‘ веруваат. Бев сведок на групна дискусија кога една жена кажа „ Јас всушност се чувствувам ОК, во врска со мојот изглед“, а друга жена и‘ рече „ Никогаш во животот немам слушнато некој да го каже тоа, така што не сум сигурна дека ти верувам.“
По прифатливо е да зборувате негативно за себе и да се навредувате, наместо да си го сакате изгледот и да сте задоволни со себе.
Жените кои ја создадоа галеријата „Галерија на Божиците“ ги охрабруваат и другите жени да го сторат истото.
Госпоѓа Фелено додава:
– Колкуи повеќе жени го прават ова, толку побрзо ќе се смени свеста кај жените и тие полесно ќе се прифатат себеси какви што се. Тоа ќе им го смени животот за сите.
