Магична масичка

Пиењето кафе или чај попладне во топла домашна атмосфера отсега добива посебна убавина со магичната масичка во облик на летечки килим. Лондонскиот дизајнер Крис Дафи го создаде ова парче мебел инспириран од детските приказни, а главната тајна е во оптичката илузија.

Имено долниот дел  е базата која е црна и наликува на сенка од горниот дел од масичката, а на средина се споени со едноставна централна шипка која вешто е прикриена. Така ако ја гледате масичката странично имате чувство дека тоа е килим кој навистина лебди.

Засега ова дизајнерско парче мебел го има само во Лондон по цена од 1,495 британски фунти.

Други интересни маси каде исто така се користи оптичка илузија за да се создадат специјални ефекти можете да погледнете во галеријата.