Заврши акцијата „Со љубов сплетено, за живот подарено„

Aкцијата „Со љубов сплетено, за живот подарено„ , која воедно е и прва донација во новата зграда на ГАК, помина одлично и задоволни сме од собраното.

Среќни сме што ги надминавме планираните бројки и собравме многу повеќе од она кое првично ни беше цел. А сето тоа благодарение на нашите вредни членови за идејата, помошта и учеството во акцијата, како и сите хумани луѓе кои иако не се дел од форумот, беа дел од нашата акција.

Донирани се следните средства:

– 100 чаршавчиња,

– 60 ќебенца,

– 84 чифта плетени калчинки,

– 84 плетени капчиња,

– 19 плетени стегачи,

– 32 бенкици,

– 28 боди,

– 17 шпихозни,

– 15 памучни капчиња

– 14 ѕиврички,

– бебешки чорапчиња и ракавички

Ние како здужение и сајт „Родители и деца„ упатуваме посебна благодарност до:

– Сопственичката на “Смајли Старс„ училиштето за англиски јазик за деца, која ни ги отстапи просториите од училиштето за текот на целата акција.

– Г-ѓа Муши Амет Халил – која освен што донираше плетени работи (стегачи и калчинки) ни помогна во кроењето и порабувањето на ќебенцата.

– Граѓанското здружение „Позитиво„ кои донираа волница и од неа жените во домот за стари лица „Мајка Тереза„ исплетоа калчинки и капчиња.

Посебен поздрав до тетка Наде и тетка Милевка кои испратија плетени капчиња и калчинки и голем поздрав до сите членови од сајтот за нивната хуманост.

Голема благодарност до медиумите кои ја следаа акцијата и кои не` поддржаа, а со тоа ни помогнаа што повеќе луѓе да дознаат за неа.

Дневниот весник – Дневник

Телевизиите Телма, МТВ и Сител

Порталите ТЕА Модерна, Плус инфо, Многоо, Без Пардон, Фама и Vox

Исто така и до менаџерите и вработените во спортски клуб и кафуле „Форца„ и тениски клуб и кафуле „АБЦ„ каде се одвиваа нашите акции.

Ваши „Родители и деца„