Капарите можат да се користат маринирани и свежи

Младите пупки од капари познати им се на луѓето од пред илјадници години, a името наводно им потекнува од грчкиот назив на островот Кипар (Кипрос), бидејќи во изобилие растат на овој остров. Има видови кои видови растат на Кавказ и Кримските карпи, бидејќи успеваат и на голи каменести предели.

Највкусните капари доаѓаат од островот Санторини, бидејќи почвата има висока содржина на вулканска пепел. Ситните пупки се сочни, со малку лутникав вкус сличен на сенфот. Се берат кон крајот на април и мај, по што се чуваат три месеци во смеса од сол и маслиново масло. По преработката добиваат темно-зелена боја, а можат да се користат и свежи.

Обратете внимание на бојата

Во 100 грама капари има 223 калории, 2,36 грама протеини , 4,8 грама јаглехидрати и 0,86 грама масти. Капарите се богати со витамини, влакна, органски киселини, од кои најмногу има витамин Ц, јод и натриум. Тајната за ова е дека при преработка не поминуваат низ процес со топлина, што дозволува во нив максимално да се сочуваат корисните состојки.

Капарите се деликатни за собирање, поради што постигнуваат висока продажна цена. Во кулинарството најмногу се ценети најситните капари, а за првокласни се сметаат оние од Јужна Франција, кои имаат јака арома и заситен вкус на лимон. Во свежа состојба капарите треба да се тврди, целосно затворени со темно-маслинеста боја. По бербата добиваат кафеава боја, што се отстранува со преаботка со посебен вид сол.

Ако капарите имаат црна боја или се омекнати, без вкус, тие се со лош квалитет и треба да ги фрлите. Собраните капари се сушат кратко на природна сончева светлина, пред да бидат ставени во маринада.

Кај нас најчесто се продаваат маринирани во мали теглички.

Сите делови од растението се користат

Капарите во кулинарството се многу ценети и се користат за зачинување на многу јадења, пред сè за салати, сосови за разни меса, риба или тестенини. Маринираните капари можат да се консумираат и самостојно. Во некои делови од светот се користи и како туршија. Во Франција и Англија се користат младите стебленца и листови од капарот во салати и за маринади.

Зрнцата капари со години се користат и како лек. Недостиг на апетит може лесно да се преброди со земање по неколку капари пред оброк. Се смета дека џвакањето капари помага при забоболка и како смирувачко средство при нервни напрегања. Есенцијата направена од капари може да помогне во брзо зараснување на раните, дури има и благотворно дејство при зајакнување на срцето. Есенцијата од коренот на билката се смета за добар аналгетик, а есенцијата од кората е добра при неврози. Освен при забоболка капарите имаат позитивно вликјане при болести на штитната жлезда, а маслото од семето на капарите се користи за масажи. Свежите делови од растението имаат докажано коагулативно, антисептичко и анаглетско дејство.

Сепак конзумирањето капари не се препорачува за луѓе со бубрежни проблеми како и проблеми со жолчката и црниот дроб.