10 Причини зошто да не го плескате своето дете
Веројатно сте виделе мајка како го плеснува своето дете, бидејќи не се однесува како што треба или бидејќи погрешило. Или можеби вие ја применувате оваа дисциплинска мерка, бидејќи едноставно сакате да го дисциплинирате неговото лошо однесување, а следниот пат да знае дека треба да ве послуша.
Скоро 70% од децата секој дневно добиваат по некој „мал удар“ од родителите како опомена за нивното однесување. Но, според истражувањата направени од стручни лица, плескањето не само што не го менува однесувањето на детото, туку го прави да биде агресивно, анти- социјално и предизвикува проблеми во менталното здравје.
Еве 10 причини поради кои не треба да го плескате детето:
1. Плескањето само ќе го спречи детето некое време да не се однесува лошо. Но причината поради која се однесува така најчесто е поради тоа што не знае како да реши некој проблем.
2. Плескањето не го учи детето да се однесува добро, туку како да не биде фатено следниот пат кога ќе направи грешка. Всушност го учи како да манипулира.
3. Казнувањето не им овозможува на децата да дознаат што направиле погрешно. На тој начин тие стануваат несигурни, наместо да станат личности кои сакаат да ги сменат погрешните постапки и однесување.
4. Удирањето ќе го научи детето да ги решава проблемите со удирање. Треба да ги научите децата да ги прифаќаат и решаваат проблемите без насилство.
5. Плескањето ги учи децата да се однесуваат и да ги решаваат проблемите со физичко казнување, а не да се контролираат и да се соочуваат со проблемите.
6. Плескањето им испраќа погрешна порака на децата, бидејќи сè уште се мали и не можат да разберат многу нешта, како возрасните.
7. Плескањето е пречка за развој на детскиот морал. Воспитувајќи го на тој начин можеби ќе успее да не ги прави истите грешки повторно, но само поради чувство на вина и од страв дека пак ќе биде казнето. А не бидејќи сака да ги прави вистинските и правилните работи.
8. Удирањето го спречува развојот на чувството на емпатија кај децата. Емпатијата е способност да се биде чувствителен на туѓите чувства и е важна за моралниот развој. Според истражувањата емпатијата кај децата исчезнува кога родителите ги воспитуваат со гнев и контрола, а не со сочувство, љубов и разбирање.
9. Со удирањето детето се запознава со светот на насилство. Удирањето е агресивен акт, а вие како родители само му го покажувате на детето.
10. Удирањето не го учи детето на добри манири, туку како да вика, удира, манипулира и контролира некој друг и да се плаши од него. Исто така значи дека не сте успеале да го научите на дисциплина своето дете.
Една работа која треба да ја запомните е дека целта на дисциплинирањето е да ги научите децата да станат одговорни, во било која ситуација. И сè уште постојат многу начини на кои можете да го научите детето на дисциплина – зборувајќи смирено, љубезно, поддржувајќи го со разбирање, сочувство, љубов и почитување, тоа е ефективен начин да израснете одговорно и воспитано дете. Дисциплинирањето на детето со љубов, е подобро од дисциплинирањето базирано на страв.
