Шенон Доерти поднесе барање за развод поради неверство
Ѕвездата на „Беверли Хилс, 90210“, Шенон Доерти (52) поднесе барање за развод од Курт Исвариенко. Барањето го поднела во петокот, а нивниот брак завршува по 11 години. Разводот го потврди нејзината портпаролка Лесли Слоун за „УСА денес“
– Разводот е последното нешто што го посакуваше Шенон. За жал, таа чувствуваше дека нема други опции. Можете да контактирате со агентот на Курт, Колиер Грим, бидејќи таа е интимно вклучена во ова – кратко изјави Лесли, со што наговести дека причина за разводот е друга жена.
Во петокот, Шенон објави фотографија на Инстаграм на која пишува:
„Единствените луѓе кои заслужуваат да бидат во вашиот живот се оние кои ве третираат со љубов, добрина и целосна почит.“
Според TMZ, Шенон и Курт се разделени од јануари, а според нивни блиски пријатели, актерката поминува низ многу тежок период. Здравјето ѝ е полошо, а разводот дополнително го влошува. Имено на актерката по успешно лекување, во 2020 година повторно ѝ се врати ракот на дојка и според дијагнозата, во четврт стадиум. Во едно интервју Шенон изјави дека болеста ѝ го зацврстила бракот.
Пред бракот со Курт, Шенон имаше два неуспешни брака – со Ешли Хамилтон од 1993 до 1994 и со Рик Соломон од 2002 до 2003 година.
