Чеша, пецка, затегнува – кожата бара посебна нега

Чувствителната кожа бурно реагира на надворешните влијанија, најчесто со црвенило и ситни бубулици. Понекогаш имате чувство дека ве пецка или кожата ви е многу топла. Ако имате вакви симптоми не се грижете, туку прилагодете се на ситуацијата и направете сè што е во ваша моќ за да ја смирите и негувате кожата на начин кој ѝ одговара.
Чувствителната кожа не е тип кожа кој спаѓа во мрсна, сува или мешана. Односно нејзината чувствителност не зависи од типот на епидерм. Иако најчесто се верува дека чувствителната кожа е сува, дури и мрсната кожа може да биде хиперсензитивна. Она кое со сигурност се знаае е дека светлата и тенка кожа најчесто е чувствителна, а таа може да биде сува, мрсна или мешана.

Како да ја препознаете?
Ако често имате чувство дека кожата на телото и лицето ви е топла, како нешто да ве пецка или лесно ви поцрвенува, најверојатно имате чувствителна кожа. Таа реагира на надворешните влијанија, на кои вообичаено не треба, или реагира побурно отколку што е случај со нормална кожа. На пример на сонце нормално е да поцрвени кожата, но чувствителната може да реагира со осип или силно црвенило пропратено со чешање.
Или во допир со хемикалии нормално е кожата да пецка. Но ако тоа трае долго и при тоа црвенилото не се смирува, посетете дерматолог. Можно е да сте алергични на нешто и тоа треба да го испитате. Но ако се докаже дека не е алергија, тогаш едноставно имате чувствителна кожа и треба да се снајдете со тоа.
Најчесто чувствителноста е вродена и тоа е случај со тенката кожа. Но некогаш под влијание на разни фактори може да дојде до промена на заштитната функција на кожата – претерано употребување козметички препарати, земање некои лекови, промена на климата, промена на хормоналниот статус, стрес, дури и водата, ако смените средина. Ако забележите дека кожата ви реагира на некој од овие фактори, бидете внимателни.
Чувствителноста на кожата може да настане и поради алергиска реакција на кожата поврзана со лоша состојба на имунитетот, како што е случај со атопски дерматитис, осип, розацеа или алергиски контактен дерматитис. Премногу сувата и повредена кожа не може повеќе да ја извршува заштитната функција на нервните завршетоци и така доведува до реакција на кожата.

Посебна нега
Кожата на лицето треба да ја чистите со нежен препарат за отстранување шминка, а потоа да ја измиете со некој сапун со растителни масла кои овозможуваат да се воспостави заштитен површински слој. Кога станува збор за креми, изберете хипоалергенска крема која не предизвикува иритации. Чувствителната кожа бара и употреба на креми против црвенило, за да се намали истото како и чуството на врелина на кожата. Многу важно е да не експериментирате, бидејќи така чувствителната кожа уште помалку станува толерантна на разни дразби, односно реагира уште побурно на секоја промена.Иако се верува дека чувствителната кожа не сака лесна и флуидна, туку богата, хранлива текстура, со есенцијални масла со смирувачки ефект, дерматолозите советуваат дека текстурата на препаратот не влијае многу на чувствителната кожа. Важно е да не содржи парфеми, силикони, уреја, конзеванси или други активни состојки кои ги има во препратите против стареење- витамин А, овошни киселини, ретинол, бидејќи можат да предизвикаат иритација. Значи препарат кој содржи најмалку состојки, впрочем е најдобар за нега на чувствителната кожа. Кога ќе откриете кои препарати ви одговараат, не ги менувајте. За вас никако не се парфимирани препарати, како ни оние кои содржат есенцијални масла. Избегнувате средства за миење со пилинг својства, како и препарати за пилинг со крупни честички. Откажете се од козметичките третмани, кои можат само да ја влошат состојбата. Микроабразија, хемиски пилинг и слични третмани само ќе поттикнат несакани, неестетски резултати.
Ако кожата изреагирала на нешто, потребен ви е препрат против црвенило, бидејќи го смалува чувството на топлина кое ја зафаќа кожата. Што се однесува до дневнат нега, задолжително користете средства со УВ заштита.

Замки при изборот на препарати
Многумина веруваат дека чувствителната кожа може да се негува со препарати за бебиња и навистина, тоа не може да штети. Но, препаратите за бебиња се наменети за нега на кожата од новореденчето и на никој начин не можат да ги задоволат потребите на зрелата кожа. Освен тоа со текот на годините пречувствителноста на кожата расте, па спротивно на вреженото мислење дека најчувствителна е бебешката кожа, чувствителната кожа кај возрасните реагира почесто и побурно. Исто така се верува дека биолошките препарати се идеални за чувствителната кожа, што нема врска со реалноста. Чувствителната кожа може да изреагира на состојки од биолошки препарат кои поради нешто & се иритантни. Затоа посоветувајте се со дермалтолог, најдете ги вистинските препарати за својата чувствителна кожа и не експериментирајте.

Уште неколку здрави навики
Исто така многу важно е исхраната да ја прилагодите на кожата. Ако сте забележале дека кожата посебно се исфрла од некоја храна, избегнувајте ја. Исто така исфрлете ги алкохолот, цигарите, грицките и слатките. Колку можете избегнувајте чести промени на средина. При тоа не се мисли само на конкретно менување градови. На пример, чувстивтелната кожа реагира ако денот го поминете во затворена климатизирана просторија, каде воздухот е сув, а навечер отидете на прошетка покрај вода, со високо ниво на влажност. Чувствителната кожа едноставно не може така брзо да се прилагоди на промената.