Слабејте додека спиете

Одлично би било кога би постоело магично стапче кое би направило килограмите да исчезнат сами, но за жал сè додека не ги смените лошите навики и не почнете да вежбате, нема да ја имате фигурата за која сонувате. Сепак постои нешто што можете да го направите, а да не вклучува вежби, гладување и диети. Ова може долгорочно да ви помогне да изгледате онака како што отсекогаш сте посакувале.

Познато е дека сонот лечи, па како таков е идеален за слабеење. Некои истражувања покажале дека луѓето кои спијат осум часа дневно губат двапати повеќе телесни масти од оние кои спијат пет или помалку часови, иако внесле иста количина калории.

Еве и неколку совети кои би требало да ви прејдат во навика, ако сакате да се ослободите од здодевниот вишок килограми.

Млечни производи

Ако пред спиење испиете чаша млеко или јогурт, ќе ви помогне да не се чувствувате гладни, а во текот на ноќта ќе ги храни вашите мускули. Ако ги зајакнете мускулите ќе имате побрз метаболизам, а со тоа и калориите побрзо ќе се трошат.

Разладете ја собата

Пред спиење задолжително проветрете ја и разладете ја спалната соба. Намалената температура ќе ви помогне побрзо да заспиете.

Јога

Иако со години се водат полемики дали е подобро да се вежба наутро или навечер, искусните препорачуваат да се избегнуваат тешки телесни активности пред спиење. Ако навистина ви е потребна активност пред спиење ,советот е да направите неколку јога или вежби за истегнување, кои нема да ви одземат повеќе од половина час.

Без алкохол

Алкохолот со причина е на листата на забранети призводи кога започнувате со здрава исхрана. Иако може да ви помогне да заспиете, ваквиот сон нема да биде квалитетен поради количината на шеќер која сте ја внесле и која вашето тело тешко ја топи. Со само една чаша од вашиот омилен пијалок внесувате огромна количина на калории, па затоа најдобро е да го избегнувате кога сакате да ја намалите телесната тежина.