Секој дом мора да ја има оваа билка со опоен мирис
Лоничерата, која е позната и како орлови нокти, козја крв, е една од најубавите ползавци во секоја градина. Станува збор за растение кое обично расте до пет метри, но некои видови можат да пораснат и до 10 метри, а особено е сакано поради мирисните цветови кои потсетуваат на канџи од орел и се отвораат во мај и јуни, кога се најмиризливи.
Тоа е едно од градинарските растенија на кое му се придаваат магиски моќи – се верува дека симболизира привлечност и цврстина, како и дека истото го предизвикува и во бракот! Според едно старо верување, жената која сака да биде уште поубава и привлечна треба да го трие овој цвет на косата додека мисли на својот сакан.
Лоничерата сака сончево или полусенчево место, а во целосна сенка слабо цвета, па затоа не треба да се сади на такво место. Само коренот треба да биде во сенка, што се постигнува со засадување високи грмушки околу растението. Најчесто се одгледува покрај оградата, а останува зелена во текот на целата зима, поради што се верува дека носи среќа во домот.
Лоничерата поради брзото ширење треба да е засадена подалеку од други цвеќиња, затоа што може лесно да ги потисне. Воедно треба да има подлога за качување и ползење. Издржува високи и ниски температури.
Кога има долг период на суша треба да се полева, но не премногу. Лоничерата не бара премногу внимание, поради што е позната како „неуништливо растение“.
За оваа билка, редовното кроење неколку пати годишно е од клучно значење за поттикнување на цветањето и растењето, а доколку сакате да ја размножите, употребете средно развиен изданок и исечете го така што на гранчето ќе останат два листови, еден спроти друг.
Изданокот се сади во растресита почва, па се полева умерено и се покрива со најлонско кесе (проѕирно).
Лоничерата е едно од ретките растенија кои успешно растат во жардињери, а потребно е саксијата да биде што подлабока и поширока.
Не заборавајте да ги отстраните оштетените и суви гранки во текот на целата година. Пред зимата скратете го растението на висина од 50-60 см, за да обезбедите обилно цветање и за следната сезона.
