Породувањето во вода е благотворно за мајката и бебето
Хидротерапијата често се употребува за олеснување при породувањето, а сè почесто жените се одлучуваат и за породување во базен со топла вода. Се верува дека ваквото породување е многу понежно искуство за бебето, а придонесува и за олеснување на болките на мајката. Тоа се одвива во стандардни гинеколошки сали во кои се поставени преносливи, меки базени. За да добие дозвола за ваков начин на породување, мајката мора да исполни неколку критериуми, како што се: нормална бременост, без дијабетес или висок крвен притисок.
Како функционира
Базенот делумно е наполнет со млака, не врела, вода. На дното од базенот има простирка за еднократна употреба, што го намалува ризикот од инфекции. Во водата може да се додадат и есенцијални масла. Пред да влезе во водата, родилката треба да е со редовни контракции, а бебето мора да има стабилен пулс. Породување во вода не смее да се превземе доколку е предвремено, ако бебето е во неправилна положба, или ако мајката страда од прееклампсија, дијабетес и сл. Исто така не е дозволено за мајки со некаква инфекција, како херпес, бидејќи преку водата може да дојде и до бебето.
Придобивките од породување во вода се:
- Намалена потреба од анестезија
- Помал ризик од вагинално кинење
- Скратен период на контракции поради релаксирачкото чувство
- Зголемено задоволство кај пациентките
